헬라어 문장 검색 - Πλυταρ́ΤιτυσΦλ́15́

(플루타르코스, Titus Flamininus, chapter 15)

ἀλλ’ εὐπρεπεστέρασ αἰτίασ ἀπορίᾳ τῷ καλλίστῳ τῶν ὀνομάτων χρῆσθαι διδασκόντων, καὶ σφόδρα δείσαντεσ οἱ Ῥωμαῖοι τὴν ἀνάστασιν καὶ δόξαν αὐτοῦ τῆσ δυνάμεωσ, στρατηγὸν μὲν ὕπατον τοῦ πολέμου Μάνιον Ἀκίλιον κατέπεμψαν, πρεσβευτὴν δὲ Τίτον διὰ τοὺσ Ἕλληνασ, ὧν τοὺσ μὲν εὐθὺσ ὀφθεὶσ ἐποίησε βεβαιοτέρουσ, τοὺσ δὲ ἀρχομένουσ νοσεῖν ὥσπερ τι ἐν καιρῷ φάρμακον ἐνδιδοὺσ τὴν πρὸσ αὑτὸν εὔνοιαν ἔστησε καὶ διεκώλυσεν ἐξαμαρτεῖν, ὀλίγοι δὲ αὑτὸν ἐξέφυγον ἤδη προκατειλημμένοι καὶ διεφθαρμένοι παντάπασιν ὑπὸ τῶν Αἰτωλῶν, οὓσ καίπερ ὀργισθεὶσ καὶ παροξυνθεὶσ ὅμωσ μετὰ τὴν μάχην περιεποίησεν. Ἀντίοχοσ γὰρ ἡττηθεὶσ ἐν Θερμοπύλαισ καὶ φυγὼν εὐθὺσ εἰσ Ἀσίαν ἀπέπλευσε, Μάνιοσ δ’ ὁ ὕπατοσ τοὺσ μὲν αὐτὸσ ἐπιὼν τῶν Αἰτωλῶν ἐπολιόρκει, τοὺσ δὲ τῷ βασιλεῖ Φιλίππῳ συνεχώρησεν ἐξαιρεῖν.

ἀγομένων δὲ καὶ φερομένων ὑπὸ τοῦ Μακεδόνοσ τοῦτο μὲν Δολόπων καὶ Μαγνήτων, τοῦτο δὲ Ἀθαμάνων καὶ Ἀπεραντῶν, αὐτοῦ δὲ τοῦ Μανίου τὴν μὲν Ἡράκλειαν διαπεπορθηκότοσ, τὴν δὲ Ναύπακτον Αἰτωλῶν ἐχόντων πολιορκοῦντοσ, οἰκτείρων τοὺσ Ἕλληνασ ὁ Τίτοσ διέπλευσεν ἐκ Πελοποννήσου πρὸσ τὸν ὕπατον.

καὶ πρῶτον μὲν ἐπετίμησεν εἰ νενικηκὼσ αὐτὸσ τὰ ἔπαθλα τοῦ πολέμου Φίλιππον ἐᾷ φέρεσθαι, καὶ τριβόμενοσ περὶ μιᾷ πόλει κάθηται δι’ ὀργήν, ἔθνη δὲ οὐκ ὀλίγα καὶ βασιλείασ Μακεδόνεσ αἱροῦσιν. ἔπειτα τῶν πολιορκουμένων, ὡσ εἶδον αὑτὸν, ἀπὸ τοῦ τείχουσ ἀνακαλούντων καὶ χεῖρασ ὀρεγόντων καὶ δεομένων, τότε μὲν οὐδὲν εἰπών, ἀλλὰ στραφεὶσ καὶ δακρύσασ ἀπῆλθεν, ὕστερον δὲ διαλεχθεὶσ τῷ Μανίῳ καὶ καταπαύσασ τὸν θυμὸν αὐτοῦ διεπράξατο τοῖσ Αἰτωλοῖσ ἀνοχὰσ δοθῆναι, καὶ χρόνον ἐν ᾧ πρεσβεύσαντεσ εἰσ Ῥώμην μετρίου τινὸσ τυχεῖν ἀξιώσουσι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Titus Flamininus, chapter 15

(플루타르코스, Titus Flamininus, chapter 15)

상위

목록

SEARCH

MENU NAVIGATION