호흡부호 보기
강세부호 보기
장단부호 보기
작은 Iota 보기
모든 부호 보기
καλλίω δὲ καὶ τὰ λάφυρα πομπευόμενα παρεῖχεν ὄψιν, Ἑλληνικὰ κράνη καὶ πέλται Μακεδονικαὶ καὶ σάρισαι. τό τε τῶν χρημάτων πλῆθοσ οὐκ ὀλίγον ἦν, ὡσ ἀναγράφουσιν οἱ περὶ Τουδιτανὸν ἐν τῷ θριάμβῳ κομισθῆναι χρυσίου μὲν συγκεχωνευμένου λίτρασ τρισχιλίασ ἑπτακοσίασ δεκατρεῖσ, ἀργύρου δὲ τετρακισμυρίασ τρισχιλίασ διακοσίασ ἑβδομήκοντα, Φιλιππείουσ δὲ χρυσοῦσ μυρίουσ τετρακισχιλίουσ πεντακοσίουσ δεκατέσσαρασ, χωρὶσ δὲ τούτων τὰ χίλια τάλαντα Φίλιπποσ ὤφειλεν. ἀλλὰ ταῦτα μὲν ὕστερον ἐπείσθησαν Ῥωμαῖοι, μάλιστα τοῦ Τίτου συμπράξαντοσ, ἀφεῖναι τῷ Φιλίππῳ, καὶ σύμμαχον ἐψηφίσαντο, καὶ τὸν υἱὸν ἀπήλλαξαν αὐτῷ τῆσ ὁμηρείασ.
호흡부호 보기
강세부호 보기
장단부호 보기
작은 Iota 보기
모든 부호 보기