Plutarch, Titus Flamininus, chapter 10 6:

τὸ δὲ πολλάκισ λεγόμενον εἰσ ὑπερβολὴν τῆσ φωνῆσ καὶ μέγεθοσ ὤφθη τότε. κόρακεσ γὰρ ὑπερπετόμενοι κατὰ τύχην ἔπεσον εἰσ τὸ στάδιον. αἰτία δὲ ἡ τοῦ ἀέροσ ῥῆξισ· ὅταν γὰρ ἡ φωνὴ πολλὴ καὶ μεγάλη φέρηται, διασπώμενοσ ὑπ’ αὐτῆσ οὐκ ἀντερείδει τοῖσ πετομένοισ, ἀλλ’ ὀλίσθημα ποιεῖ καθάπερ κενεμβατοῦσιν, εἰ μὴ νὴ Δία πληγῇ τινι μᾶλλον ὡσ ὑπὸ βέλουσ διελαυνόμενα πίπτει καὶ ἀποθνῄσκει, δύναται δὲ καὶ περιδίνησισ εἶναι τοῦ ἀέροσ, οἱο͂ν ἑλιγμὸν ἐν πελάγει καὶ παλιρρύμην τοῦ σάλου διὰ μέγεθοσ λαμβάνοντοσ.