헬라어 문장 검색 - Πλυταρ́ΤιτυσΦλ́06́

(플루타르코스, Titus Flamininus, chapter 6)

τὰ μὲν οὖν ἄλλα προσεχώρει καθ’ ἡσυχίαν αὐτῷ, τὴν δὲ Βοιωτίαν ἀπολέμωσ ἐπιπορευομένῳ Θηβαίων ἀπήντησαν οἱ πρῶτοι, φρονοῦντεσ μὲν τὰ τοῦ Μακεδόνοσ διὰ Βραχύλλην, ἀσπαζόμενοι δὲ καὶ τιμῶντεσ τὸν Τίτον, ὡσ φιλίασ πρὸσ ἀμφοτέρουσ ὑπαρχούσησ. ὁ δ’ ἐντυχὼν αὐτοῖσ φιλανθρώπωσ καὶ δεξιωσάμενοσ προῆγεν ἡσυχῇ καθ’ ὁδόν, τὰ μὲν ἐρωτῶν καὶ πυνθανόμενοσ, τὰ δὲ διηγούμενοσ, καὶ παράγων ἐπίτηδεσ ἄχρι τοὺσ στρατιώτασ ἀναλαβεῖν ἐκ τῆσ πορείασ, οὕτω δὲ προάγων συνεισῆλθε τοῖσ Θηβαίοισ εἰσ τὴν πόλιν, οὐ πάνυ μὲν ἡδομένοισ, ὀκνοῦσι δὲ κωλύειν, ἐπεὶ στρατιῶται γε μέτριοι τὸ πλῆθοσ εἵποντο.

καὶ μέντοι παρελθὼν ὁ Τίτοσ, ὡσ οὐκ ἔχων τὴν πόλιν, ἔπειθεν ἑλέσθαι τὰ Ῥωμαίων, Ἀττάλου τοῦ βασιλέωσ συναγορεύοντοσ αὐτῷ καὶ συνεξορμῶντοσ τοὺσ Θηβαίουσ, ἀλλ’ Ἄτταλοσ μὲν, ὡσ ἐοίκε, τοῦ γήρωσ προθυμότερον ἑαυτὸν τῷ Τίτῳ ῥήτορα παρασχεῖν φιλοτιμούμενοσ, ἐν αὐτῷ τῷ λέγειν προσπεσόντοσ ἰλίγγου τινὸσ ἢ ῥεύματοσ ἄφνω τὴν αἴσθησιν ἐπιληφθεὶσ ἔπεσε, καὶ μετ’ οὐ πολὺ ταῖσ ναυσὶν εἰσ Ἀσίαν ἀποκομισθεὶσ ἐτελεύτησεν·

οἱ δὲ Βοιωτοὶ προσεχώρησαν τοῖσ Ῥωμαίοισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Titus Flamininus, chapter 6

(플루타르코스, Titus Flamininus, chapter 6)

상위

목록

SEARCH

MENU NAVIGATION