헬라어 문장 검색 - Πλυταρ́ΤιτυσΦλ́05́

(플루타르코스, Titus Flamininus, chapter 5)

φυγὴ μὲν οὖν ἦν εὐθὺσ ὀξεῖα πάντων, ἔπεσον δὲ δισχιλίων οὐ πλείουσ· ἀφῃροῦντο γὰρ αἱ δυσχωρίαι τήν δίωξιν. χρήματα δὲ καὶ σκηνὰσ καὶ θεράποντασ οἱ Ῥωμαῖοι διαρπάσαντεσ ἐκράτουν τῶν Στενῶν, καὶ διώδευον τήν Ἤπειρον οὕτω κοσμίωσ καὶ μετ’ ἐγκρατείασ τοσαύτησ ὥστε, τῶν πλοίων καὶ τῆσ θαλάσσησ μακρὰν ὄντασ αὐτούσ, καὶ τὸν ἐπιμήνιον σῖτον μὴ μεμετρημένουσ οὐδ’ εὐποροῦντασ ἀγρορᾶσ, ἀπέχεσθαι τῆσ χώρασ ἀμφιλαφεῖσ ὠφελείασ ἐχούσησ. ὁ γὰρ Τίτοσ πυνθανόμενοσ τὸν Φίλιππον, ὡσ ὅμοια φεύγοντι τήν Θετταλίαν διερχόμενοσ τοὺσ μὲν ἀνθρώπουσ ἐκ τῶν πόλεων ἀνίστησιν εἰσ τὰ ὄρη, τὰσ δὲ πόλεισ καταπίμπρησι, τῶν δὲ χρημάτων τὰ λειπόμενα διὰ πλῆθοσ ἢ βάροσ ἁρπαγὴν προτίθεται, τρόπον τινὰ τῆσ χώρασ ἐξιστάμενοσ ἤδη Ῥωμαίοισ, ἐφιλοτιμεῖτο καὶ παρεκάλει τοὺσ στρατιώτασ ὥσπερ οἰκείασ καὶ παρακεχωρημένησ κηδομένουσ βαδίζειν.

καὶ μέντοι καὶ παρεῖχεν αὐτοῖσ τὰ γινόμενα τῆσ εὐταξίασ αἴσθησιν εὐθύσ, προσεχώρουν μὲν γὰρ αἱ πόλεισ ἁψαμένοισ Θετταλίασ, οἱ δ’ ἐντὸσ Πυλῶν Ἕλληνεσ ἐπόθουν καὶ διεπτόηντο ταῖσ ὁρμαῖσ πρὸσ τὸν Τίτον, Ἀχαιοὶ δὲ τήν Φιλίππου συμμαχίαν ἀπειπάμενοι πολεμεῖν ἐψηφίσαντο μετὰ ’ Ῥωμαίων πρὸσ αὐτόν.

Ὀπούντιοι δέ, καίπερ Αἰτωλῶν τότε Ῥωμαίοισ συναγωνιζομένων προθυμότατα καὶ τήν πόλιν ἀξιούντων παραλαβεῖν καὶ φυλάττειν, οὐ προσέσχον, ἀλλὰ μεταπεμψάμενοι τὸν Τίτον ἐκείνῳ διεπίστευσαν ἑαυτοὺσ καὶ παρέδωκαν.

Πύρρον μὲν οὖν λέγουσιν, ὅτε πρῶτον ἀπὸ σκοπῆσ κατεῖδε τὸ στράτευμα τῶν Ῥωμαίων διακεκοσμημένον, εἰπεῖν οὐ βαρβαρικὴν αὐτῷ φανῆναι τήν τῶν βαρβάρων παράταξιν οἱ δὲ Τίτῳ πρῶτον ἐντυγχάνοντεσ ἠναγκάζοντο παραπλησίασ ἀφιέναι φωνάσ. ἐπεὶ δὲ καὶ Φιλίππῳ δοκοῦντι συμβατικῶσ ἔχειν εἰσ ταὐτὸν ἐλθὼν προὔτεινεν εἰρήνην καὶ φιλίαν ἐπὶ τῷ τοὺσ Ἕλληνασ αὐτονόμουσ ἐᾶν καὶ τὰσ φρουρὰσ ἀπαλλάττειν, ὁ δὲ οὐκ ἐδέξατο, παντάπασιν ἤδη τότε καὶ τοῖσ θεραπεύουσι τὰ τοῦ Φιλίππου παρέστη Ῥωμαίουσ πολεμήσοντασ ἥκειν οὐχ Ἕλλησιν, ἀλλ’ ὑπὲρ Ἑλλήνων Μακεδόσι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Titus Flamininus, chapter 5

(플루타르코스, Titus Flamininus, chapter 5)

상위

목록

SEARCH

MENU NAVIGATION