호흡부호 보기
강세부호 보기
장단부호 보기
작은 Iota 보기
모든 부호 보기
τοῦτο δὲ αὑτὸν ἐπῆρε μάλιστα τὰσ διὰ μέσου καὶ συνήθεισ τοῖσ νέοισ ἀρχὰσ ὑπερβάντα, δημαρχίαν καὶ στρατηγίαν καὶ ἀγορανομίαν, εὐθὺσ αὑτὸν ὑπατείασ ἀξιοῦν καὶ κατῄει τοὺσ ἀπὸ τῶν κληρουχιῶν ἔχων προθύμουσ. ἡ μὲν σύγκλητοσ ἀπέδωκε τῷ δήμῳ τὴν ψῆφον, ὁ δὲ δῆμοσ ἀπέδειξεν αὑτὸν ὕπατον μετὰ Σέξτου Αἰλίου, καίπερ οὔπω τριάκοντα ἔτη γεγονότα, Κλήρῳ δὲ λαγχάνει τὸν πρὸσ Φίλιππον καὶ Μακεδόνασ πόλεμον, εὐτυχίᾳ τινὶ τῶν Ῥωμαίων συλλαχὼν πράγμασι καὶ ἀνθρώποισ οὐ πάντα πολέμῳ καὶ βίᾳ χρωμένου δεομένοισ ἄρχοντοσ, ἀλλὰ πειθοῖ καὶ .
ὁμιλίᾳ μᾶλλον ἁλωσίμοισ. Φιλίππῳ γὰρ ἦν στόμωμα μὲν εἰσ μάχην ἀποχρῶν ἡ Μακεδόνων ἀρχή, ῥώμη δὲ πολέμου τριβὴν ἔχοντοσ καὶ χορηγία καὶ καταφυγὴ καὶ ὄργανον ὅλωσ τῆσ φάλαγγοσ ἡ τῶν Ἑλλήνων δύναμισ, ὧν μὴ διαλυθέντων ἀπὸ τοῦ Φιλίππου μιᾶσ μάχησ οὐκ ἦν ἔργον ὁ πρὸσ αὑτὸν πόλεμοσ.
ἡ δ’ Ἑλλὰσ οὔπω πολλὰ συνενηνεγμένη Ῥωμαίοισ, ἀλλὰ τότε πρῶτον ἐπιμιγνυμένη ταῖσ πράξεσιν, εἰ μὴ φύσει τε χρηστὸσ ἦν ὁ ἄρχων καὶ λόγῳ μᾶλλον ἢ πολέμῳ χρώμενοσ, ἐντυγχάνοντί τε προσῆν πιθανότησ καὶ πρᾳότησ ἐντυγχανομένῳ καὶ τόνοσ πλεῖστοσ ὑπὲρ τῶν δικαίων, οὐκ ἂν οὕτωσ ῥᾳδίωσ ἀντὶ τῶν συνήθων ἀλλόφυλον ἀρχὴν ἠγάπησε.
ταῦτα μὲν οὖν ἐπὶ τῶν πράξεων αὐτοῦ δηλοῦται.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기