헬라어 문장 검색 - Πλυταρ́Θυαεστι

(플루타르코스, Quaestiones Convivales, book 1, Περὶ τοῦ ἐν τῇ τρίτῃ ῥαψῳδίᾳ τῆσ Ἰλιάδοσ ἀντινομικοῦ ζητήματοσ. 4:)

" ὁ μὲν οὖν Σῶσπισ ἔφη κυριώτερον εἶναι τὸν τοῦ προκεκλημένου λόγον, ὥσπερ νόμον· "ἐκεῖνοσ γάρ, ἐφ’ οἷσ διαγωνιοῦνται, κατήγγειλεν· "οἱ δὲ δεξάμενοι καὶ ὑπακούσαντεσ οὐκέτι κύριοι προστιθέντεσ. "ἡ δὲ πρόκλησισ οὐ περὶ φόνου καὶ θανάτου γέγονεν, ἀλλὰ περὶ νίκησ καὶ ἣττησ· "καὶ μάλα δικαίωσ. "ἔδει γὰρ τὴν γυναῖκα τοῦ κρείττονοσ εἶναι, κρείττων δ’’ ὁ νικῶν, ἀποθνήσκειν δὲ πολλάκισ συμβαίνει κἀγαθοῖσ ὑπὸ κακῶν, ὡσ ὕστερον Ἀχιλλεὺσ ἀπέθανεν τοξευθεὶσ ὑπὸ Πάριδοσ· "καὶ οὐκ ἂν οἶμαι φαίημεν Ἀχιλλέωσ ἧτταν γεγονέναι τὸν θάνατον οὐδὲ νίκην ἀλλ’ ἄδικον εὐτυχίαν τοῦ βάλλοντοσ. "ἀλλ’ ὁ Ἕκτωρ ἥττητο καὶ πρὶν ἀποθνήσκειν, μὴ δεξάμενοσ ἀλλὰ δείσασ καὶ φυγὼν ἐπερχομένου τοῦ Ἀχιλλέωσ· "ὁ γὰρ ἀπειπάμενοσ καὶ φυγὼν ἧτταν ἀπροφάσιστον ἣττηται καὶ συγκεχώρηκε κρείττονα τὸν ἀντίπαλον εἶναι. "διὸ πρῶτον μὲν ἡ Ἶρισ ἐξαγγέλλουσα τῇ Ἑλένῃ φησὶ μακρῇσ ἐγχείῃσι μαχήσονται περὶ σεῖο τῷ δέ κε νικήσαντι φίλη κεκλήσῃ ἄκοιτισ ἔπειθ’ ὁ Ζεὺσ τῷ Μενελάῳ τῆσ μάχησ τὸ βραβεῖον ἀπέδωκεν εἰπών νίκη μὲν φαίνετ’ ἀρηιφίλου Μενελάου. "γελοῖον γάρ, εἰ τὸν μὲν Ποδῆν ἐνίκησε πόρρωθεν ἀκοντίσασ μὴ προσδοκήσαντα μηδὲ φυλαξάμενον, τοῦ δ’ ἀπειπαμένου καὶ δραπετεύσαντοσ καὶ καταδύντοσ εἰσ τοὺσ κόλπουσ τῆσ γυναικὸσ ἐσκυλευμένου ζῶντοσ, οὐκ ἄξιοσ ἦν τὰ νικητήρια φέρεσθαι, κατὰ τὴν αὐτοῦ πρόκλησιν ἐκείνου κρείττων φανεὶσ καὶ περιγενόμενοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Quaestiones Convivales, book 1, Περὶ τοῦ ἐν τῇ τρίτῃ ῥαψῳδίᾳ τῆσ Ἰλιάδοσ ἀντινομικοῦ ζητήματοσ. 4:

(플루타르코스, Quaestiones Convivales, book 1, Περὶ τοῦ ἐν τῇ τρίτῃ ῥαψῳδίᾳ τῆσ Ἰλιάδοσ ἀντινομικοῦ ζητήματοσ. 4:)

상위

목록

SEARCH

MENU NAVIGATION