헬라어 문장 검색 - Πλυταρ́Θυαεστι

(플루타르코스, Quaestiones Convivales, book 4, Πότερον οἱ Ιοὐδαῖοι σεβόμενοι τὴν ὗν ἢ δυσχεραίνοντεσ ἀπέχονται τῶν κρεῶν.)

"πῶσ ὑμῖν δοκεῖ λελέχθαι τὸ πρὸσ τοὺσ Ιοὐδαίουσ, ὅτι τὸ δικαιότατον κρέασ οὐκ ἐσθίουσιν; "ἐγὼ δὲ καὶ προσδιαπορῶ, πότερον οἱ ἄνδρεσ τιμῇ τινι τῶν ὑῶν ἢ μυσαττόμενοι τὸ ζῷον ἀπέχονται τῆσ βρώσεωσ αὐτοῦ·

"τὰ γὰρ παρ’ ἐκείνοισ λεγόμενα μύθοισ ἐοίκεν, εἰ μή τινασ ἄρα λόγουσ σπουδαίουσ ἔχοντεσ οὐκ ἐκφέρουσιν. "οἶμαί τινα τιμὴν τὸ ζῷον ἔχειν παρὰ τοῖσ ἀνδράσιν·

"εἰ δὲ δύσμορφον ἡ ὗσ καὶ θολερόν, ἀλλ’ οὐ κανθάρου καὶ γυπὸσ καὶ κροκοδείλου καὶ αἰλούρου τὴν ὄψιν ἀτοπώτερον ἢ τὴν φύσιν ἀμουσότερον οἷσ ὡσ ἁγιωτάτοισ ἱερεῖσ Αἰγυπτίων ἄλλοισ ἄλλοι προσφέρονται. "τὴν δ’ ὗν ἀπὸ χρηστῆσ αἰτίασ τιμᾶσθαι λέγουσι· "πρώτη γὰρ σχίσασα τῷ προύχοντι τῆσ ὀρυχῆσ, ὥσ φασι, τὴν γῆν ἴχνοσ ἀρόσεωσ ἔθηκε καὶ τὸ τῆσ ὕνεωσ ὑφηγήσατο ἔργον· "ὅθεν καὶ τοὔνομα γενέσθαι τῷ ἐργαλείῳ λέγουσιν ἀπὸ τῆσ ὑόσ. οἱ δὲ τὰ μαλθακὰ καὶ κοῖλα τῆσ χώρασ Αἰγύπτιοι γεωργοῦντεσ οὐδ’ ἀρότρου δέονται τὸ παράπαν ἀλλ’ ὅταν ὁ Νεῖλοσ ἀπορρέῃ καταβρέξασ τὰσ ἀρούρασ, ἐπακολουθοῦντεσ τὰσ ὗσ κατέβαλον αἱ δὲ χρησάμεναι πάτῳ καὶ ὀρυχῇ ταχὺ τὴν γῆν ἔστρεψαν ἐκ βάθουσ καὶ τὸν σπόρον ἀπέκρυψαν. "οὐ δεῖ δὲ θαυμάζειν, εἰ διὰ τοῦτό τινεσ ὗσ οὐκ ἐσθίουσιν, ἑτέρων ζῴων μείζονασ ἐπ’ αἰτίαισ γλίσχραισ, ἐνίων δὲ καὶ πάνυ γελοίαισ, τιμὰσ ἐχόντων παρὰ τοῖσ βαρβάροισ. "τὴν μὲν γὰρ μυγαλῆν ἐκτεθειάσθαι λέγουσιν ὑπ’ Αἰγυπτίων τυφλὴν οὖσαν, ὅτι τὸ σκότοσ τοῦ φωτὸσ ἡγοῦντο πρεσβύτερον τίκτεσθαι δ’ αὐτὴν ἐκ μυῶν πέμπτῃ γενεᾷ νουμηνίασ οὔσησ· "ἔτι δὲ μειοῦσθαι τὸ ἧπαρ ἐν τοῖσ ἀφανισμοῖσ τῆσ σελήνησ. "τὸν δὲ λέοντα τῷ ἡλίῳ συνοικειοῦσιν, ὅτι τῶν γαμψωνύχων τετραπόδων βλέποντα τίκτει μόνοσ· "κοιμᾶται δ’ ἀκαρὲσ χρόνου καὶ ὑπολάμπει τὰ ὄμματα καθεύδοντοσ· "κρῆναι δὲ κατὰ χασμάτων λεοντείων ἐξιᾶσι κρουνούσ, ὅτι Νεῖλοσ ἐπάγει νέον ὕδωρ ταῖσ Αἰγυπτίων ἀρούραισ, ἡλίου τὸν λέοντα παροδεύοντοσ. "τὴν δ’ ἶβίν φασιν ἐκκολαφθεῖσαν εὐθὺσ ἕλκειν δύο δραχμάσ, ὅσον ἄρτι παιδίου γεγονότοσ καρδίαν· "ποιεῖ δὲ τῇ τῶν ποδῶν ἀποτάσει πρὸσ ἀλλήλουσ καὶ πρὸσ τὸ ῥύγχοσ ἰσόπλευρον τρίγωνον. "καὶ τί ἄν τισ Αἰγυπτίουσ αἰτιῷτο τῆσ τοσαύτησ ἀλογίασ, ὅπου καὶ τοὺσ Πυθαγορικοὺσ ἱστοροῦσι καὶ ἀλεκτρυόνα λευκὸν σέβεσθαι καὶ τῶν θαλαττίων μάλιστα τρίγλησ καὶ ἀκαλήφησ ἀπέχεσθαι, τοὺσ δ’ ἀπὸ Ζωροάστρου μάγουσ τιμᾶν μὲν ἐν τοῖσ μάλιστα τὸν χερσαῖον ἐχῖνον, ἐχθαίρειν δὲ τοὺσ ἐνύδρουσ μῦσ καὶ τὸν ἀποκτείνοντα πλείστουσ θεοφιλῆ καὶ μακάριον νομίζειν; "οἶμαι δὲ καὶ τοὺσ Ιοὐδαίουσ, εἴπερ ἐβδελύττοντο τὴν ὗν, ἀποκτείνειν ἄν, ὥσπερ οἱ μάγοι τοὺσ μῦσ ἀποκτείνουσι· "νῦν δ’ ὁμοίωσ τῷ φαγεῖν τὸ ἀνελεῖν ἀπόρρητόν ἐστιν αὐτοῖσ. καὶ ἴσωσ ἔχει λόγον, ὡσ τὸν ὄνον ἀναφήναντα πηγὴν αὐτοῖσ ὕδατοσ τιμῶσιν, οὕτω καὶ τὴν ὗν σέβεσθαι σπόρου καὶ ἀρότου διδάσκαλον γενομένην εἰ μή, νὴ Δία, καὶ τοῦ λαγωοῦ φήσει τισ ἀπέχεσθαι τοὺσ ἄνδρασ, ὡσ μυσαρὸν καὶ ἀκάθαρτον δυσχεραίνοντασ τὸ ζῷον. "ἀλλὰ τοῦ μὲν λαγωοῦ φείδονται διὰ τὴν πρὸσ τὸν μένον ὑπ’ αὐτῶν μυ στα θηρίον ἐμφερέστατον.

"ὁ γὰρ λαγὼσ μεγέθουσ ἐοίκε καὶ πάχουσ ἐνδεὴσ ὄνοσ εἶναι· "καὶ γὰρ ἡ χρόα καὶ τὰ ὦτα καὶ τῶν ὀμμάτων ἡ λιπαρότησ καὶ τὸ λαμυρὸν ἐοίκε θαυμασίωσ· "ὥστε μηδὲν οὕτω μηδὲ μικρὸν μεγάλῳ τὴν μορφὴν ὅμοιον γεγονέναι. "εἰ μὴ νὴ Δία, καὶ πρὸσ τὰσ ὁμοιότητασ αἰγυπτιάζοντεσ τὴν ὠκύτητα τοῦ ζῴου θεῖον ἡγοῦνται καὶ τὴν ἀκρίβειαν τῶν αἰσθητηρίων· "ὅ τε γὰρ ὀφθαλμὸσ ἄτρυτόσ ἐστιν αὐτῶν, ὥστε καὶ καθεύδειν ἀναπεπταμένοισ τοῖσ ὄμμασιν ὀξυηκοϊᾴ δὲ δοκεῖ διαφέρειν, ἣν Αἰγύπτιοι θαυμάσαντεσ ἐν τοῖσ ἱεροῖσ γράμμασιν ἀκοὴν σημαίνουσιν οὖσ λαγωοῦ γράφοντεσ. "τὸ δ’ ὑειόν κρέασ οἱ ἄνδρεσ ἀφοσιοῦσθαι δοκοῦσιν, ὅτι μάλιστα οἱ βάρβαροι τὰσ ἐπιλευκίασ καὶ λέπρασ δυσχεραίνουσι, καὶ τῇ προσβολῇ τὰ τοιαῦτα καταβόσκεσθαι πάθη τοὺσ ἀνθρώπουσ οἰόνται. "πᾶσαν δ’ ὗν ὑπὸ τὴν γαστέρα λέπρασ ἀνάπλεων καὶ ψωρικῶν ἐξανθημάτων ὁρῶμεν· "ἃ δή, καχεξίασ τινὸσ ἐγγενομένησ τῷ σώματι καὶ φθορᾶσ, ἐπιτρέχειν δοκεῖ τοῖσ σώμασιν. "οὐ μὴν ἀλλὰ καὶ τὸ θολερὸν περὶ τὴν δίαιταν τοῦ θρέμματοσ ἔχει τινὰ πονηρίαν οὐδὲν γὰρ ἄλλο βορβόρῳ χαῖρον οὕτω καὶ τόποισ ῥυπαροῖσ καὶ ἀκαθάρτοισ ὁρῶμεν, ἔξω λόγου τιθέμενοι τὰ τὴν γένεσιν καὶ τὴν φύσιν ἐν αὐτοῖσ ἔχοντα τούτοισ. "λέγουσι δὲ καὶ τὰ ὄμματα τῶν ὑῶν οὕτωσ ἐγκεκλάσθαι καὶ κατεσπάσθαι ταῖσ ὄψεσιν, ὥστε μηδενὸσ ἀντιλαμβάνεσθαι μηδέποτε τῶν ἄνω μηδὲ προσορᾶν τὸν οὐρανόν, ἂν μὴ φερομένων ὑπτίων ἀναστροφήν τινα παρὰ φύσιν αἱ κόραι λάβωσι· "διὸ καὶ μάλιστα κραυγῇ χρώμενον τὸ ζῷον ἡσυχάζειν, ὅταν οὕτω φέρηται, καὶ σιωπᾶν κατατεθαμβημένον ἀηθίᾳ τὰ οὐράνια καὶ κρείττονι, φόβῳ τοῦ βοᾶν συνεχόμενον. "εἰ δὲ δεῖ καὶ τὰ μυθικὰ προσλαβεῖν, λέγεται μὲν ὁ Ἄδωνισ ὑπὸ τοῦ συὸσ διαφθαρῆναι· "τὸν δ’ Ἄδωνιν οὐχ ἕτερον ἀλλὰ Διόνυσον εἶναι νομίζουσι, καὶ πολλὰ τῶν τελουμένων ἑκατέρῳ περὶ τὰσ ἑορτὰσ βεβαιοῖ τὸν λόγον. "οἱ δὲ παιδικὰ τοῦ Διονύσου γεγονέναι· "καὶ Φανοκλῆσ, ἐρωτικὸσ ἀνήρ, ὧδέ που πεποίηκεν εἰδὼσ θεῖον Ἄδωνιν ὀρειφοίτησ Διόνυσοσ ἡρ́πασεν, ἠγαθέην Κύπρον ἐποιχόμενοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Quaestiones Convivales, book 4, Πότερον οἱ Ιοὐδαῖοι σεβόμενοι τὴν ὗν ἢ δυσχεραίνοντεσ ἀπέχονται τῶν κρεῶν.

(플루타르코스, Quaestiones Convivales, book 4, Πότερον οἱ Ιοὐδαῖοι σεβόμενοι τὴν ὗν ἢ δυσχεραίνοντεσ ἀπέχονται τῶν κρεῶν.)

상위

목록

SEARCH

MENU NAVIGATION