Plutarch, Quaestiones Convivales, book 4, Εἰ ἡ θάλασσα τῆσ γῆσ εὐοψοτέρα. 10:

(플루타르코스, Quaestiones Convivales, book 4, Εἰ ἡ θάλασσα τῆσ γῆσ εὐοψοτέρα. 10:)

"ἰώμεν ἐπὶ τὴν συνήθειαν. "ὡσ γὰρ πολλῶν ὄντων ποιητῶν ἕνα τὸν κράτιστον ἐξαιρέτωσ ποιητὴν καλοῦμεν, οὕτω πολλῶν ὄντων ὄψων ἐκνενίκηκεν ὁ ἰχθὺσ μόνοσ ἢ μάλιστὰ γ’ ὄψον καλεῖσθαι διὰ τὸ πολὺ πάντων ἀρετῇ κρατεῖν. καὶ γὰρ ὀψοφάγουσ καὶ φιλόψουσ λέγομεν οὐχὶ τοὺσ βοείοισ χαίροντασ, ὥσπερ Ἡρακλῆσ ὃσ τοῖσ κρέασι χλωρὰ σῦκ’ ἐπήσθιεν οὐδὲ τὸν φιλόσυκον οἱο͂σ ἦν Πλάτων, οὐ φιλόβοτρυν οἱο͂σ Ἀρκεσίλαοσ· "ἀλλὰ τοὺσ περὶ τὴν ἰχθυοπωλίαν ἀναδιδόντασ ἑκάστοτε καὶ τοῦ κώδωνοσ ὀξέωσ ἀκούοντασ. "καὶ ὁ Δημοσθένησ τὸν Φιλοκράτην φησὶν ἐκ τοῦ προδοτικοῦ χρυσίου πόρνασ καὶ ἰχθῦσ ἀγοράζειν, ἐπ’ ὀψοφαγίᾳ καὶ ἀσελγείᾳ τὸν ἄνδρα λοιδορῶν. ὁ δὲ Κτησιφῶν οὐ κακῶσ, ὀψοφάγου τινὸσ ἐν τῇ βουλῇ βοῶντοσ ῥαγήσεσθαι, μηδαμῶσ εἶπεν ὦ ἄνθρωπε ποιήσῃσ ἡμᾶσ ἰχθυοβρώτουσ. "ὁ δὲ τὸ στιχίδιον τοῦτο ποιήσασ πρὸσ καππάριον ζῇσ δυνάμενοσ πρὸσ ἀνθίαν τί ποτε βούλεται; "τί δ’ οἱ πολλοὶ βούλονται, πρὸσ θεῶν, ὅταν ἡδέωσ γενέσθαι παρακαλοῦντεσ ἀλλήλουσ λέγωσι σήμερον ἀκτάσωμεν οὐχὶ τὸ παρ’ ἀκτῇ δεῖπνον ἥδιστον ἀποφαίνουσιν ὥσπερ ἔστιν; "οὐ διὰ τὰ κύματα καὶ τὰσ ψηφῖδασ τί γάρ; "ἐπ’ ἀκτῆσ τισ λέκυθον ὀψᾶται καὶ κάππαριν; "̓ ἀλλ’ ὡσ ἰχθύοσ ἀφθόνου καὶ νεαροῦ τὴν παράλιον τράπεζαν εὐποροῦσαν. "καὶ μέντοι καὶ πιπράσκεται παρὰ λόγον ἁπάντων τιμιώτατον τὸ θαλάττιον ὄψον· "ὁ γοῦν Κάτων οὐχ ὑπερβολικῶσ ἀλλ’ ἀληθῶσ πρὸσ τὴν τρυφὴν καὶ πολυτέλειαν τῆσ πόλεωσ δημηγορῶν εἶπεν, ὅτι πλείονοσ πιπράσκεται ἐν Ῥώμῃ ἰχθὺσ ἢ βοῦσ. κεράμιόν τε γὰρ πωλοῦσι τιμῆσ, ὅσην οὐκ ἂν ἑκατόμβη βούπρῳροσ ἄλφοι κατακοπεῖσα. "καίτοι φαρμάκων δυνάμεωσ ὁ ἰατρικώτατοσ ἄριστοσ κριτὴσ καὶ μελῶν ἀρετῆσ ὁ φιλομουσότατοσ, οὐκοῦν καὶ ἀρετῆσ ὄψων ὁ φιλοψότατοσ· "οὐ γὰρ Πυθαγόρᾳ γε τούτων οὐδὲ Ξενοκράτει διαιτητῇ χρηστέον, Ἀνταγόρᾳ δὲ τῷ ποιητῇ καὶ Φιλοξένῳ τῷ Ἐρύξιδοσ καὶ τῷ ζωγράφῳ Ἀνδροκύδει, ὅν φασι τὴν Σκύλλαν ζωγραφοῦντα τοὺσ περὶ αὐτὴν ἰχθῦσ ἐμπαθέστατα καὶ ζωτικώτατα δι’ ὀψοφαγίαν ἐξεργάσασθαι. "Ἀνταγόρᾳ δ’ ὁ βασιλεὺσ Ἀντίγονοσ ἐν τῷ στρατοπέδῳ λοπάδα γόγγρων ἕψοντι περιεζωσμένῳ παραστὰσ ἆρά γ’ εἶπε τὸν Ὅμηρον οἰεί τὰσ τοῦ Ἀγαμέμνονοσ πράξεισ ἀναγράφειν γόγγρουσ ἕψοντα; "κἀκεῖνοσ οὐ φαύλωσ σὺ δ’ οἰεί ἔφησε τὸν Ἀγαμέμνονα τὰσ πράξεισ ἐκείνασ ἐργάσασθαι πολυπραγμονοῦντα, τίσ ἐν τῷ στρατοπέδῳ γόγγρον ἕψει ;

일치하는 문장이 없습니다.

SEARCH

MENU NAVIGATION