헬라어 문장 검색 - Πλυταρ́Θυαεστι

(플루타르코스, Quaestiones Convivales, book 4, Εἰ ἡ ποικίλη τροφὴ τῆσ ἁπλῆσ εὐπεπτοτέρα. 12:)

"καὶ ἄκοντεσ ὡσ βιαιοτάτῳ τῶν ὀργάνων ἀλγηδόνι προσχρώμεθα· "τῶν δ’ ἄλλων οὐδεὶσ ἂν οὐδὲ βουλόμενοσ ἀπώσαιτο τὴν ἡδονήν· "ἀλλὰ καὶ τροφαῖσ καὶ ὕπνοισ καὶ περὶ λουτρὰ καὶ ἀλείμματα καὶ κατακλίσεισ ἀεὶ πάρεστι καὶ συνεκδέχεται καὶ συνεκτιθηνεῖται τὸν κάμνοντα, πολλῷ τῷ οἰκείῳ καὶ κατὰ φύσιν ἐξαμαυροῦσα τἀλλότριον. "ποία γὰρ ἀλγηδών, τίσ ἔνδεια, ποῖον δηλητήριον οὕτω ῥᾳδίωσ καὶ ἀφελῶσ νόσον ἔλυσεν, ὡσ λουτρὸν ἐν καιρῷ γενόμενον καὶ οἶνοσ δοθεὶσ δεομένοισ; "καὶ τροφὴ παρελθοῦσα μεθ’ ἡδονῆσ εὐθὺσ ἔλυσε τὰ δυσχερῆ πάντα καὶ κατέστησεν εἰσ τὸ οἰκεῖον τὴν φύσιν, ὥσπερ εὐδίασ καὶ γαλήνησ γενομένησ. "αἱ δὲ διὰ τῶν ἐπιπόνων βοήθειαι μόγισ καὶ κατὰ μικρὸν ἀνύουσι, χαλεπῶσ ἐκμοχλεύουσαι καὶ προσβιαζόμεναι τὴν φύσιν. "οὐκ ἂν οὖν ἡμᾶσ διαβάλλοι Φιλῖνοσ, εἰ μὴ τὰ ἱστία ἑκάτερα ἐπαράμενοι τὴν ἡδονὴν φεύγοιμεν, ἀλλὰ πειρῴμεθα τὸ ἡδέωσ καὶ ὑγιεινῶσ ἐμμελέστερον, ἢ ὡσ ἔνιοι φιλόσοφοι τὸ ἡδέωσ καὶ καλῶσ, συνοικειοῦν. εὐθὺσ οὖν περὶ τὸ πρῶτον, ὦ Φιλῖνε, τῶν ἐπιχειρημάτων δοκεῖσ μοι διεψεῦσθαι, τὰ θηρία τῶν ἀνθρώπων ἁπλουστέραισ τροφαῖσ χρῆσθαι καὶ μᾶλλον ὑγιαίνειν ὑποτιθέμενοσ. "οὐδέτερον γὰρ ἀληθέσ ἐστιν· "ἀλλὰ τῷ μὲν αἱ παρ’ Εὐπόλιδοσ αἶγεσ ἀντιμαρτυροῦσιν, ὑμνοῦσαι τὴν τροφὴν ὡσ παμμιγῆ καὶ ποικίλην οὖσαν, οὕτω πωσ λέγουσαι βοσκόμεθ’ ὕλησ ἀπὸ παντοδαπῆσ, ἐλάτησ, πρίνου, κομάρου τε πτόρθουσ ἁπαλοὺσ ἀποτρώγουσαι, καὶ πρὸσ τούτοισιν ἔτ’ ἄλλα, κύτισὸν τ’ ἠδὲ σφάκον εὐώδη καὶ σμίλακα τὴν λύφυλλον, κότινον, σχῖνον, μελίαν, λεύκην, ἀρίαν, δρῦν, κιττόν, ἐρίκην, πρόμαλον, ῥάμνον, φλόμον, ἀνθέρικον, κισθόν, φηγόν, θύμα, θύμβραν. "τὰ γὰρ κατηριθμημένα μυρίασ δήπου διαφορὰσ ἔχει χυμῶν καὶ ὀδμῶν καὶ δυνάμεων· "πλείονα δὲ τῶν εἰρημένων παραλέλειπται. "τὸ δὲ δεύτερον Ὅμηροσ ἀθετεῖ μᾶλλον ἐμπείρωσ, τὰ λοιμικὰ πάθη πρῶτον ἅπτεσθαι τῶν ἀλόγων ἀποφαινόμενοσ. "κατηγορεῖ δ’ αὐτῶν καὶ ἡ βραχύτησ τοῦ βίου τὸ ἐπίκηρον καὶ νοσῶδεσ οὐδὲν γὰρ ὡσ εἰπεῖν πολυχρόνιόν ἐστι, πλὴν εἰ φαίη τισ κόρακα καὶ κορώνην, ἃ δὴ παμφάγα τ’ ὄντα καὶ πάσησ ἁπτόμενα τροφῆσ ὁρῶμεν. "καὶ μὴν καὶ τῇ τῶν νοσούντων διαίτῃ καλῶσ; "ἐποίεισ τὰ εὔπεπτα καὶ δύσπεπτα τεκμαιρόμενοσ· "καὶ γὰρ πόνοσ καὶ γυμνάσια καὶ τὸ διαιρεῖν τὴν τροφὴν εὔπεπτα μέν ἐστιν, οὐχ ἁρμόζει δὲ τοῖσ πυρέττουσι. "τὴν δὲ μάχην καὶ τὴν διαφορὰν τῆσ ποικίλησ τροφῆσ ἀλόγωσ ἐδεδίεισ· "εἴτε γὰρ ἐξ ὁμοίων ἀναλαμβάνει τὸ οἰκεῖον ἡ φύσισ εἰσ τὸν ὄγκον αὐτόθεν, ἡ ποικίλη τροφὴ πολλὰσ μεθιεῖσα ποιότητασ ἐξ ἑαυτῆσ ἑκάστῳ μέρει τὸ πρόσφορον ἀναδίδωσιν· "ὥστε γίγνεσθαι τὸ τοῦ Ἐμπεδοκλέουσ ὡσ γλυκὺ μὲν γλυκὺ μάρπτε, πικρὸν δ’ ἐπὶ πικρὸν ὄρουσεν, ὀξὺ δ’ ἐπ’ ὀξύ, δαλερὸν δαλεροῦ λαβέτω δὲ καὶ ἄλλου ἐπὶ πρόσφορον μένοντοσ τῇ θερμότητι ἐν τῷ πνεύματι τοῦ μίγματοσ σκεδασθέντοσ, τὰ οἰκεῖα τοῖσ συγγενέσιν ἕπεται· "τὸ γὰρ οὕτω παμμιγὲσ σῶμα καὶ πανηγυρικόν, ὡσ τὸ ἡμέτερον, ἐκ ποικίλησ ὕλησ λόγον ἔχει μᾶλλον ἢ ἁπλῆσ συνερανίζεσθαι καὶ ἀναπληροῦν τὴν κρᾶσιν. "εἴτε μὴ τοῦτ’ ἐστίν, ἀλλ’ ἡ καλουμένη πέψισ ἀλλοιοῦν πέφυκε καὶ μεταβάλλειν τὴν τροφήν, ἐν τῷ ποικίλῳ τοῦτο συμβήσεται θᾶττον καὶ κάλλιον· "ἀπαθὲσ γὰρ ὑπὸ τοῦ ὁμοίου τὸ ὅμοιον, ἡ δ’ ἀντίταξισ καὶ διαφορὰ μᾶλλον ἐξίστησι τῇ πρὸσ τοὐναντίον μίξει τὰσ ποιότητασ ἀπομαραινομένασ. "εἰ δ’ ὅλωσ τὸ μικτὸν ἀθετεῖσ καὶ ποικίλον, ὦ Φιλῖνε, μὴ δειπνίζοντα μηδ’ ὀψοποιοῦντα μόνον λοιδόρει Φίλωνα τοῦτον, ἀλλὰ πολὺ μᾶλλον, ὅταν μιγνύῃ τὰσ βασιλικὰσ καὶ ἀλεξιφαρμάκουσ ἐκείνασ δυνάμεισ, ἃσ θεῶν χεῖρασ ὠνόμαζεν Ἐρασίστρατοσ, διέλεγχε τὴν ἀτοπίαν καὶ περιεργίαν, ὁμοῦ μεταλλικὰ καὶ βοτανικὰ καὶ θηριακὰ καὶ τἀπὸ γῆσ καὶ θαλάττησ εἰσ ταὐτὸ συγκεραννύντοσ καλὸν γὰρ ταῦτ’ ἐάσαντασ ἐν πτισάνῃ καὶ σικύᾳ καὶ ἐν ὑδρελαίῳ τὴν ἰατρικὴν ἀπολιπεῖν. ἀλλὰ νὴ Δία τὸ ποικίλον ἐξάγει καὶ γοητεύει τὴν ὄρεξιν οὐ κρατοῦσαν ἑαυτῆσ καὶ γὰρ τὸ καθάριον, ὦ δαιμόνιε, καὶ τὸ εὐστόμαχον καὶ τὸ εὐῶδεσ καὶ ὅλωσ τὸ ἥδιον ἐφέλκεται καὶ ποιεῖ βρωτικωτέρουσ ἡμᾶσ καὶ ποτικωτέρουσ. "τί οὖν οὐχὶ κρίμνον μὲν ἡμεῖσ ἀντὶ πόλτου μάττομεν ἀντὶ δ’ ἀσπαράγου γήτεια καὶ σκολύμουσ παρασκευάζομεν, τὸν δ’ ἀνθοσμίαν ἀπωσάμενοι τουτονὶ καὶ ἡμερίδην ἀγριώτερον πίνομεν ἐκ πίθου, κωνώπων χορῷ περιᾳδόμενον; "ὅτι φαίησ ἂν οὐ φυγὴν οὐδ’ ἀπόδρασιν ἡδονῆσ εἶναι τὴν ὑγιεινὴν δίαιταν, ἀλλὰ περὶ ἡδονὰσ μετριότητα καὶ τάξιν ὑπηκόῳ χρωμένην ὀρέξει τοῦ συμφέροντοσ. "ὡσ δὲ λάβρον πνεῦμα κυβερνῆται πολλαῖσ μηχαναῖσ ὑποφεύγουσι, παυσάμενον δὲ καὶ μαρανθὲν οὐδεὶσ πάλιν ἐκριπίσαι καὶ διασεῖσαι δυνατόσ ἐστιν· "οὕτω πρὸσ ὄρεξιν ἐνστῆναι μὲν καὶ κολάσαι τὸ πλεονάζον αὐτῆσ οὐ μέγ’ ἔργον, ἤδη δὲ κάμνουσαν πρὸ καιροῦ καὶ μαλθακιζομένην καὶ ἀπολείπουσαν τὸ οἰκεῖον ἐντεῖναι καὶ ἀναζωπυρῆσαι παγχάλεπον, ὦ ἑταῖρε, καὶ δύσεργον. "ὅθεν ἡ ποικίλη τροφὴ βελτίων τῆσ ἁπλῆσ καὶ τὸ μονοειδὲσ ἐχούσησ πλήσμιον, ὅσῳ ῥᾷον ἱστάναι φερομένην τὴν φύσιν ἢ κινεῖν ἀπειποῦσαν. "καὶ μήν, ὅ γε λέγουσὶ τινεσ ὡσ πλησμονὴ φευκτότερον ἐνδείασ, οὐκ ἀληθὲσ ἐστιν ἀλλὰ τοὐναντίον· "εἴ γε πλησμονὴ μέν, ὅταν εἰσ φθοράν τινα τελευτήσῃ καὶ νόσον, ἔβλαψεν· "· "ἔνδεια δέ, κἂν ἄλλο μηδὲν ἐξεργάσηται κακόν, αὐτὴ καθ’ αὑτὴν παρὰ φύσιν ἐστί. καὶ ταῦτα μὲν ὡσ ἀντίχορδα κείσθω τοῖσ ὑπὸ σοῦ πεφιλοσοφημένοισ. "ἐκεῖνο δέ πωσ ὑμᾶσ λέληθε τοὺσ περὶ ἅλα καὶ κύαμον, ὅτι τὸ μὲν ποικίλον ἥδιόν ἐστι, τὸ δ’ ἣδιον εὐορεκτότερον, ἂν τὴν ὑπερβολὴν καὶ τἄγαν ἀφέλῃσ· "; "ησ· "προσφύεται γὰρ ὀργῶντι καὶ δεχομένῳ τῷ σώματι τῆσ ὄψεωσ προοδοποιούσησ τὸ δ’ ἀνόρεκτον πλανώμενον καὶ ῥεμβόμενον ἢ παντάπασιν ἐξέβαλεν ἡ φύσισ ἢ μόλισ ὑπ’ ἐνδείασ ἔστερξεν. "ἐκεῖνό μοι μόνον φύλαττε καὶ μέμνησο, τὸ ποικίλον ὡσ οὐκ ἐν ἀβυρτάκαισ καὶ κανδύλοισ καὶ καρύκαισ ἐστίν· "ἀλλὰ ταῦτα μὲν περίεργα καὶ σπερμολογικά· "ποικιλίαν δὲ καὶ Πλάτων παρέχει τοῖσ καλοῖσ καὶ γενναίοισ ἐκείνοισ πολίταισ, παρατιθεὶσ βολβούσ, ἐλαίασ, λάχανα, τυρόν, ἑψήματα παντοδαπά· "πρὸσ δὲ τούτοισ οὐδὲ τραγημάτων ἀμοίρουσ περιορᾷ δειπνοῦντασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Quaestiones Convivales, book 4, Εἰ ἡ ποικίλη τροφὴ τῆσ ἁπλῆσ εὐπεπτοτέρα. 12:

(플루타르코스, Quaestiones Convivales, book 4, Εἰ ἡ ποικίλη τροφὴ τῆσ ἁπλῆσ εὐπεπτοτέρα. 12:)

상위

목록

SEARCH

MENU NAVIGATION