헬라어 문장 검색 - Πλυταρ́Θυαεστι

(플루타르코스, Quaestiones Convivales, book 4, Εἰ ἡ ποικίλη τροφὴ τῆσ ἁπλῆσ εὐπεπτοτέρα. 9:)

ὁ μὲν οὖν Φίλων ἐδεῖτο τοῦ Μαρκίωνοσ οὕτω ποιεῖν. "οὐκ ἐμόσ εἶπεν ὁ μῦθοσ ἀλλ’ οὑτοσὶ Φίλων ἑκάστοτε λέγει πρὸσ ἡμᾶσ, ὅτι πρῶτον μὲν τὰ θηρία τροφαῖσ μονοειδέσι καὶ ἁπλαῖσ χρώμενα μᾶλλον ὑγιαίνει τῶν ἀνθρώπων· "ὅσα δὲ σιτεύουσι καθείρξαντεσ, ἐπισφαλῆ πρὸσ τὰσ νόσουσ ἐστὶ καὶ ῥᾳδίωσ ταῖσ ὠμότησιν ἁλίσκεται διὰ τὸ μικτήν τινα καὶ συνηδυσμένην τροφὴν προσφέρεσθαι. "δεύτερον, οὐδεὶσ γέγονεν οὕτω τῶν ἰατρῶν παράτολμοσ ἐν καινοτομίᾳ καὶ ἀνδρεῖοσ, ὥστε ποικίλην τροφὴν πυρέττοντι προσενεγκεῖν ἀλλὰ τὴν ἁπλῆν καὶ ἄκνισον ὡσ ὑπήκοον μάλιστα τῇ πέψει προσφέρουσι. "δεῖ γὰρ παθεῖν τὴν τροφὴν καὶ μεταβαλεῖν κρατηθεῖσαν ὑπὸ τῶν ἐν ἡμῖν δυνάμεων. "κρατεῖ δὲ καὶ βαφὴ τῶν ἁπλῶν χρωμάτων μᾶλλον, καὶ μυρεψικοῖσ φαρμάκοισ τρέπεται τάχιστα τὸ ἀωδέστατον ἔλαιον, καὶ τροφῆσ εὐπαθέστατον ὑπὸ πέψεωσ μεταβάλλειν τὸ ἀφελὲσ καὶ μονοειδέσ. αἱ δὲ πολλαὶ καὶ ποικίλαι ποιότητεσ ὑπεναντιώσεισ ἔχουσαι καὶ δυσμαχοῦσαι φθείρονται πρότερον προσπίπτουσαι, καθάπερ ἐν πόλει μιγάδων καὶ συγκλύδων ἀνθρώπων πλῆθοσ, οὐ ῥᾳδίωσ μίαν οὐδ’ ὁμοπαθοῦσαν ἴσχουσαι κατάστασιν, ἀλλ’ ἑκάστη πρὸσ τὸ οἰκεῖον ἀντιτείνουσα καὶ δυσσύμβατοσ οὖσα πρὸσ τὸ ἀλλόφυλον. "ἐμφανὲσ δὲ τεκμήριον τὸ περὶ τὸν οἶνον· "αἱ γὰρ ἀλλοινίαι λεγόμεναι τάχιστα μεθύσκουσιν, ἀπεψίᾳ δ’ οἴνου προσέοικεν ἡ μέθη. "διὸ φεύγουσι τὸν μεμιγμένον οἶνον οἱ πίνοντεσ, οἱ δὲ μιγνύοντεσ πειρῶνται λανθάνειν ὡσ ἐπιβουλεύοντεσ· "ἐκστατικὸν γὰρ ἡ μεταβολὴ καὶ τὸ ἀνώμαλον. "ὅθεν που καὶ τὰσ πολυχορδίασ μετὰ πολλῆσ οἱ μουσικοὶ κινοῦσιν εὐλαβείασ, αἷσ οὐδὲν ἄλλο κακὸν ἢ τὸ μικτόν ἐστι καὶ ποικίλον. "ἐγὼ δ’ ἐκεῖνο ἔχω εἰπεῖν, ὅτι μᾶλλον ἂν ἐκ λόγων ὑπεναντίων γένοιτ’ ἂν πίστισ καὶ συγκατάθεσισ ἢ πέψισ ἐκ διαφόρων ποιοτήτων. "εἰ δὲ δὴ δοκῶ παίζειν, ταῦτ’ ἐάσασ ἐπὶ τὰ Φίλωνοσ ἄνειμι. "πολλάκισ γὰρ ἀκούομεν αὐτοῦ λέγοντοσ, ὡσ, ἐπεὶ ποικίλῃ ποιότητι τροφῆσ γίγνεται τὸ δύσπεπτον, ἥ τε πολυμιγία βλαβερὸν καὶ γόνιμον ἀλλοκότων ποιοτήτων, δεῖ τὸ σύμφυλον ἐκ πείρασ λαβόντα χρῆσθαι καὶ στέργειν· "εἰ δὲ φύσει δύσπεπτον οὐδέν, ἀλλὰ πλῆθόσ ἐστι τὸ ταράσσον καὶ φθεῖρον, ἔτι μᾶλλον οἶμαι τὰ παντοδαπὰ ταῦτα καὶ ποικίλα φευκτέον, οἷσ ἀρτίωσ ἡμᾶσ ὁ Φίλωνοσ ὀψοποιὸσ ὥσπερ ἀντίτεχνοσ αὐτοῦ κατεφάρματτεν, ἐξαλλάττων τῇ καινότητι καὶ μεταβολῇ τὴν ὄρεξιν οὐκ ἀπαγορεύουσαν, ἀλλ’ ἀγομένην ἐπ’ ἄλλα καὶ παρεκβαίνουσαν ἐν τῷ ποικίλῳ τὸ μέτριον καὶ αὔταρκεσ, ὥσπερ ὁ τῆσ Ὑψιπύλησ τρόφιμοσ νοσ ἕτερον ἀφ’ ἑτέρασ ἰέμενοσ ἄγρευμ’ ἀνθέων ἡδομένᾳ ψυχᾷ, τὸ νήπιον ἄπληστοσ ἐών ἐπὶ πλεῖστον ἐξανθίζεται τοῦ λειμῶνοσ. "ἐνταῦθα δὲ καὶ τοῦ Σωκράτουσ ἅμα μνημονευτέον, παρακελευομένου φυλάττεσθαι τῶν βρωμάτων, ὅσα τοὺσ μὴ πεινῶντασ ἐσθίειν ἀναπείθει, ὡσ οὐδὲν ἀλλ’ ἢ τὸ παντοδαπὸν καὶ ποικίλον εὐλαβεῖσθαι καὶ δεδιέναι τῶν σιτίων παραινοῦντοσ. "τοῦτο γὰρ πορρωτέρω ἐξάγει τῆσ χρείασ τὴν ἀπόλαυσιν ἐν θεάμασιν, ἐν ἀκροάμασιν, ἐν ἀφροδισίοισ, ἐν παιδιαῖσ ἁπάσαισ καὶ διατριβαῖσ, ἀναλαμβανομένην ὑπὸ τοῦ περιττοῦ πολλὰσ ἀρχὰσ ἔχοντοσ· "ἐν δὲ ταῖσ ἁπλαῖσ καὶ μονοτρόποισ ἡδοναῖσ οὐ παρεκβαίνει τὴν φύσιν ἡ θέλξισ. "ὅλωσ δέ μοι δοκεῖ μᾶλλον ἄν τισ ὑπομεῖναι πολυχορδίαν μουσικὸν ἐπαινοῦντα καὶ μυραλοιφίαν ἀλείπτην ἢ πολυοψίαν ἰατρόν· "αἱ γὰρ ἐκτροπαὶ καὶ μεταβολαὶ τῆσ εἰσ ὑγίειαν εὐθείασ ἐκβιβάζουσι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Quaestiones Convivales, book 4, Εἰ ἡ ποικίλη τροφὴ τῆσ ἁπλῆσ εὐπεπτοτέρα. 9:

(플루타르코스, Quaestiones Convivales, book 4, Εἰ ἡ ποικίλη τροφὴ τῆσ ἁπλῆσ εὐπεπτοτέρα. 9:)

상위

목록

SEARCH

MENU NAVIGATION