헬라어 텍스트

Plutarch, Parallela minora, section 26

(플루타르코스, Parallela minora, section 26)

Ἄρησ Ἀλθαίᾳ συνῆλθε καὶ Μελέαγρον ποιήσασ ὡσ Εὐριπίδησ ἐν Μελεάγρῳ. Σεπτίμιόσ Μάρκελλοσ γήμασ Σιλουίαν τὰ πολλὰ κυνηγίῳ προσέκειτο· τὴν δὲ νεόνυμφον ἐν σχήματι ποιμένοσ Ἄρησ βιασάμενοσ ἐγκύμονα ἐποίησε, καὶ ὡμολόγησεν ὅστισ ἦν καὶ δόρυ ἔδωκε, τὴν γένεσιν τοῦ μέλλοντοσ τίκτεσθαι φάσκων ἐν αὐτῷ ἀποκεῖσθαι. ἀπέκτεινε γοῦν Σεπτίμιοσ Τουσκῖνον. Μάμερκοσ δὲ ὑπὲρ εὐκαρπίασ θύων θεοῖσ μόνησ ἠμέλησε Δήμητροσ. ἡ δὲ κάπρον ἔπεμψε.

συναθροίσασ δὲ πολλοὺσ ἐκεῖνοσ κυνηγέτασ ἀνεῖλε, καὶ τὴν κεφαλὴν καὶ τὸ δέροσ τῇ κατηγγυημένῃ γυναικὶ κατεχώρησε, Σκυμβράτησ δὲ καὶ Μουθίασ οἱ μητράδελφοι περιείλοντο τῆσ κόρησ. ἀγανακτήσασ δ’ ἀνεῖλε τοὺσ συγγενεῖσ·

ἡ δὲ μήτηρ τὸ δόρυ κατέκαυσεν ὡσ Μένυλλοσ ἐν τρίτῳ Ἰταλικῶν.