Plutarch, Parallela minora, section 5

(플루타르코스, Parallela minora, section 5)

κατὰ Κελαινὰσ πόλιν τῆσ Φρυγίασ χάσμα μεθ’ ὕδατοσ γενόμενον πολλὰσ οἰκίασ αὐτάνδρουσ εἰσ τὸν βυθὸν εἵλκυσε. Μίδασ δὲ ὁ βασιλεὺσ χρησμὸν ἔλαβεν, ἐὰν τὸ τιμιώτατον ἐμβάλῃ, συνελεύσεσθαι· ὁ δὲ χρυσὸν καὶ ἄργυρον ἐμβαλὼν οὐδὲν ἐβοήθησεν. Ἄγχουροσ δὲ υἱὸσ τοῦ Μίδα λογισάμενοσ μηδὲν εἶναι τιμιώτερον ἐν βίῳ ψυχῆσ ἀνθρωπίνησ, δοὺσ περιπλοκὰσ τῷ γεννήσαντι καὶ τῇ γυναικὶ Τιμοθέᾳ, ἔφιπποσ εἰσ τὸν τόπον τοῦ χάσματοσ ἠνέχθη. συνελθούσησ δὲ τῆσ γῆσ, χρύσεον βωμὸν ἐποίησεν Ἰδαίου Διὸσ ἁψάμενοσ τῇ χειρί. οὗτοσ ὁ βωμὸσ περὶ ἐκεῖνον τὸν καιρόν, ἐν ᾧ τὸ χάσμα συνέβη γενέσθαι, λίθοσ γίνεται τῆσ δὲ ὡρισμένησ προθεσμίασ παρελθούσησ, χρύσεοσ ὁρᾶται· ὡσ Καλλισθένησ ἐν δευτέρῳ Μεταμορφώσεων.

διά μέσησ τῆσ ἀγορᾶσ ῥέων ὁ Τίβερισ διὰ μῆνιν Ταρσίου Διὸσ μέγιστον ἀπέρρηξε χῶμα καὶ πολλὰσ οἰκίασ ἐβύθισε χρησμὸσ δ’ ἐδόθη λήξεσθαι, ἐὰν τὸ τίμιον ἐμβάλωσι.

Κούρτιοσ τῶν ἐπισήμων νέοσ τὸν χρησμὸν νοήσασ καὶ λογισάμενοσ τὴν ψυχὴν τιμιωτέραν, ἔφιππον ἑαυτὸν ἔρριψεν εἰσ τὸ χάσμα καὶ τοὺσ οἰκείουσ ἐξέσῳσε τῶν κακῶν·

ὡσ Ἀριστείδησ ἐν τεσσαρακοστῷ Ἰταλικῶν.

일치하는 문장이 없습니다.

SEARCH

MENU NAVIGATION