Plutarch, Parallela minora, section 41

(플루타르코스, Parallela minora, section 41)

Ἡγησίστρατοσ ἀνὴρ Ἐφέσιοσ ἐμφύλιον φόνον δράσασ ἔφυγεν εἰσ Δελφοὺσ καὶ ἠρώτα τὸν θεὸν ποῦ οἰκήσειεν. ὁ δ’ Ἀπόλλων ἀνεῖλεν ἔνθα ἂν ἴδῃ χορεύοντασ ἀγροίκουσ θαλλοῖσ ἐλαίασ ἐστεφανωμένουσ . γενόμενοσ δὲ κατά τινα τόπον τῆσ Ἀσίασ καὶ θεασάμενοσ φύλλοισ ἐλαίασ ἐστεφανωμένουσ γεωργοὺσ καὶ χορεύοντασ, ἔκτισεν αὐτοῦ πόλιν καὶ ἐκάλεσεν Ἐλαιοῦντα· ὡσ Πυθοκλῆσ ὁ Σάμιοσ ἐν τρίτῳ Γεωργικῶν. Τηλέγονοσ Ὀδυσσέωσ καὶ Κίρκησ ἐπ’ ἀναζήτησιν τοῦ πατρὸσ πεμφθεὶσ ἔμαθε πόλιν κτίσαι, ἔνθα ἂν ἴδῃ γεωργοὺσ ἐστεφανωμένουσ καὶ χορεύοντασ. γενόμενοσ δὲ κατά τινα τόπον τῆσ Ἰταλίασ καὶ θεασάμενοσ ἀγροίκουσ πρινίνοισ κλάδοισ ἐστεφανωμένουσ καὶ ὀρχήσει προσευκαιροῦντασ, ἔκτισε πόλιν, ἀπὸ τοῦ συγκυρήματοσ Πρίνιστον ὀνομάσασ, ἣν Ῥωμαῖοι παραγώγωσ Πραίνεστον καλοῦσιν· ἱστορεῖ πελ Ἀριστοκλῆσ ἐν τρίτῳ Ἰταλικῶν.

SEARCH

MENU NAVIGATION