Plutarch, Parallela minora, section 34

(플루타르코스, Parallela minora, section 34)

Θησεὺσ ταῖσ ἀληθείαισ παῖσ Ποσειδῶνοσ, ἔχων δὲ ἐξ Ἱππολύτησ Ἀμαζόνοσ Ἱππόλυτον, ἐπέγημε μητρυιὰν Φαίδραν τὴν Μίνωοσ, ἥτισ τοῦ προγόνου εἰσ ἐπιθυμίαν ἐμπεσοῦσα τὴν τροφὸν ἔπεμψεν· ὁ δὲ καταλείψασ Ἀθήνασ καὶ εἰσ Τροιζῆνα παραγενόμενοσ κυνηγεσίαισ προσανέκειτο. τῆσ δὲ προαιρέσεωσ ἡ ἀσελγὴσ ἀποτυχοῦσα ψευδεῖσ κατὰ τοῦ σώφρονοσ ἐπιστολὰσ ἐχάραξε καὶ βρόχῳ τὸ ζῆν ἀνήρτησε. Θησεὺσ δὲ πιστεύσασ ᾐτήσατο παρὰ Ποσειδῶνοσ ἀπολέσθαι τὸν Ἱππόλυτον, ἐκ τῶν τριῶν εὐχῶν ἃσ εἶχε παρ’ αὐτοῦ. ὁ δὲ παρ’ αἰγιαλὸν ἐπὶ ἁρ́ματοσ τυχόντι ταῦρον ἔπεμψε καὶ ἐπτόησε τοὺσ ἵππουσ, οἳ συνέτριψαν τὸν Ἱππόλυτον. Κομμίνιοσ Σοῦπερ Λαυρεντῖνοσ ἔχων υἱὸν ἐξ Ἐγερίασ νύμφησ Κομμίνιον ἐπήγαγε μητρυιὰν Γινδίκαν· ἥτισ ἐρασθεῖσα τοῦ προγόνου καὶ ἀποτυχοῦσα βρόχῳ κατέστρεψε τὸν βίον, ἐπιστολὰσ καταλείψασα ψευδεῖσ· . ὁ δὲ Κομμίνιοσ ἀναγνοὺσ τὰ ἐκγλήματα καὶ τῷ ζήλῳ πιστεύσασ ἐπεκαλέσατο τὸν Ποσειδῶνα. ὁ δὲ τῷ παιδὶ ἐπὶ ἁρ́ματοσ ὀχουμένῳ ταῦρον ἔδειξε, καὶ οἱ ἵπποι τὸν νέον σύραντεσ ἀπώλεσαν ὡσ Δοσίθεοσ ἐν τρίτῳ Ἰταλικῶν.

일치하는 문장이 없습니다.

SEARCH

MENU NAVIGATION