Plutarch, Parallela minora, section 36

(플루타르코스, Parallela minora, section 36)

Φυλονόμη Νυκτίμου καὶ Ἀρκαδίασ θυγάτηρ ἐκυνήγει σὺν τῇ Ἀρτέμιδι· Ἄρησ δ’ ἐν σχήματι ποιμένοσ ἔγκυον ἐποίησεν. ἡ δὲ τεκοῦσα διδύμουσ παῖδασ καὶ φοβουμένη τὸν πατέρα ἔρριψεν εἰσ τὸν Ἐρύμανθον. οἱ δὲ κατὰ πρόνοιαν ἀκινδύνωσ περιφερόμενοι προσηνέχθησαν ἐν κοίλῃ δρυΐ· λύκαινα δ’ ἐμφωλεύουσα τοὺσ μὲν ἰδίουσ σκύμνουσ εἰσ τὸν ῥοῦν ἔρριψε, τοῖσ δὲ βρέφεσι θηλὴν παρέσχε, Γύλιφοσ δὲ ποιμὴν αὐτόπτησ γενόμενοσ καὶ ἀναλαβὼν τοὺσ παῖδασ ὡσ ἰδίουσ ἔθρεψε, τὸν μὲν καλέσασ Λύκαστον τὸν δὲ Παρράσιον, τοὺσ διαδεξαμένουσ τὴν βασιλείαν τῶν Ἀρκάδων ὡσ Ζώπυροσ Βυζάντιοσ ἐν τῷ τρίτῳ Ἱστορικῶν. Ἀμούλιοσ πρὸσ Νομίτορα τὸν ἀδελφὸν τυραννικῶσ διακείμενοσ, τὸν μὲν υἱὸν Αἴνιτον ἐπὶ κυνηγίᾳ ἀνεῖλε, τὴν δὲ θυγατέρα Σιλουίαν ἢ Ἰλίαν τῆσ Ἥρασ ἱέρειαν ἐποιήσατο. ταύτην Ἄρησ ἐγκύμονα ποιεῖ· ἡ δ’ ἔτεκε διδύμουσ, ὡμολόγησέ τε τῷ τυράννῳ τὴν ἀλήθειαν. ὁ δὲ φοβηθεὶσ ἀμφοτέρουσ κατεπόντισε, βαλὼν παρὰ τὰσ ὄχθασ τοῦ Θύμβρεωσ. οἱ δὲ προσηνέχθησαν ἐν τόπῳ, ἔνθα λύκαινα ἦν φωλεύουσα νεοτόκοσ·

καὶ τοὺσ μὲν σκύμνουσ ἔρριψε, τὰ δὲ βρέφη ἔτρεφε. Φαῦστοσ δὲ ποιμὴν αὐτόπτησ γενόμενοσ τοὺσ παῖδασ ἀνέθρεψε, καὶ τὸν μὲν Ῥῶμον τὸν δὲ Ῥωμύλον προσηγόρευσε, τοὺσ κτίστασ Ῥώμησ ὡσ Ἀριστείδησ Μιλήσιοσ ἐν τοῖσ Ἰταλικοῖσ.

SEARCH

MENU NAVIGATION