Plutarch, Parallela minora, section 13

Ἡρακλῆσ τοῦ Ιὄλησ γάμου ἀποτυχὼν τὴν Οἰχαλίαν ἐπόρθησεν. ἡ δ’ Ιὄλη ἀπὸ τοῦ τείχουσ ἔρριψεν ἑαυτήν. συνέβη δέ, κολπωθείσησ ὑπὸ ἀνέμου τῆσ ἐσθῆτοσ, μηδὲν παθεῖν· καθάπερ ἱστορεῖ Νικίασ Μαλλώτησ. Ῥωμαῖοι πολεμοῦντεσ πρὸσ Τούσκουσ ἐχειροτόνησαν Βασιλέωσ Τορκουᾶτον. οὗτοσ θεασάμενοσ τοῦ βασιλέωσ τὴν θυγατέρα τοὔνομα Κλουσίαν ᾐτεῖτο παρὰ τοῦ Τούσκου τὴν θυγατέρα, μὴ τυχὼν δ’ ἐπόρθει τὴν πόλιν. ἡ δὲ Κλουσία ἀπὸ τῶν πύργων ἔρριψεν ἑαυτήν· προνοίᾳ δ’ Ἀφροδίτησ κολπωθείσησ τῆσ ἐσθῆτοσ, διεσώθη ἐπὶ τὴν γῆν·

ἣν ὁ στρατηγὸσ διέφθειρε, καὶ τούτων πάντων ἕνεκα ἐξωρίσθη κοινῷ δόγματι ὑπὸ Ῥωμαίων εἰσ Κόρσικαν νῆσον πρὸ τῆσ Ἰταλίασ· ὡσ Θεόφιλοσ ἐν τρίτῳ Ἰταλικῶν. ;