Plutarch, De virtute morali, section 8 3:

ἔτι τοίνυν καὶ γυναῖκα γήμασ κατὰ νόμουσ ἀνὴρ ἐπιεικὴσ διανοεῖται περιέπειν καὶ συνεῖναι δικαίωσ καὶ σωφρόνωσ, χρόνῳ δὲ τῆσ συνηθείασ ἐντεκούσησ πάθοσ αἰσθάνεται τῷ λογισμῷ τὸ φιλεῖν καὶ τὸ ἀγαπᾶν ἐπιτεινόμενον ὥσπερ αὖ καὶ νέοι διδασκάλοισ ἐπιτυχόντεσ ἀστείοισ ὑπὸ χρείασ τὸ πρῶτον ἕπονται καὶ ζηλοῦσιν, ὕστερον δὲ καὶ φιλοῦσιν ἀντὶ γνωρίμων καὶ μαθητῶν ἐρασταὶ καλούμενοι καὶ ὄντεσ.