호흡부호 보기
강세부호 보기
장단부호 보기
작은 Iota 보기
모든 부호 보기
’ · καὶ λόγῳ κρούων ἕκαστον, ὡσ πέφυκεν ἐμμελὲσ ὑπηχεῖν ἤδη μέντοι συμβούλῳ Πλάτωνι χρησάμενοσ, πηκτίδασ, σαμβύκασ καὶ ψαλτήρια πολύφθογγα καὶ βαρβίτουσ καὶ τρίγωνα παραπέμψασ, τὴν λύραν καὶ τὴν κιθάραν προτιμήσει· τὸν αὐτὸν τρόπον ὁ πολιτικὸσ ἀνὴρ εὖ μὲν ὀλιγαρχίαν Λακωνικὴν καὶ Λυκούργειον μεταχειριεῖται, συναρμοσάμενοσ αὑτῷ τοὺσ ἰσοκρατεῖσ καὶ ὁμοτίμουσ ἄνδρασ, ἡσυχῇ προσβιαζόμενοσ·
εὖ δὲ πολυφθόγγῳ καὶ πολυχόρδῳ συνοίσεται δημοκρατίᾳ, τὰ μὲν ἀνιεὶσ τὰ δ’ ἐπιτείνων τῆσ πολιτείασ, χαλάσασ τ’ ἐν καιρῷ καὶ καρτερῶσ αὖθισ ἐμφύσ,·
ἀντιβῆναι καὶ ἀντισχεῖν ἐπιστάμενοσ·
τῆσ ἀρετῆσ τόνον ἀνασχέσθαι καὶ μήτε πρὸσ ἀνάγκην μήτε πρὸσ χάριν ἁρμόσαι τοῦ συμφέροντοσ αἱ μὲν γὰρ ἄλλαι πολιτεῖαι τρόπον τινὰ κρατούμεναι κρατοῦσι καὶ φερόμεναι φέρουσι τὸν πολιτικόν, οὐκ ἔχοντα τὴν ἰσχὺν βέβαιον ἐπὶ τούτουσ, παρ’ ὧν ἔχει;
τὸ ἰσχῦον, ἀλλὰ πολλάκισ ἀναγκαζόμενον τὸ Αἰσχύλειον ἀναφωνεῖν, ᾧ πρὸσ τὴν τύχην ἐχρῆτο Δημήτριοσ ὁ πολιορκητὴσ ἀποβαλὼν τὴν ἡγεμονίαν σὺ τοί με φυσᾷσ σύ με καταίθειν μοι δοκεῖσ.
호흡부호 보기
강세부호 보기
장단부호 보기
작은 Iota 보기
모든 부호 보기