호흡부호 보기
강세부호 보기
장단부호 보기
작은 Iota 보기
모든 부호 보기
παρὰ πάντα ταῦτα λέγεται πολιτεία τάξισ καὶ κατάστασισ πόλεωσ διοικοῦσα τὰσ πράξεισ· καθά φασι τρεῖσ εἶναι πολιτείασ, μοναρχίαν καὶ ὀλιγαρχίαν καὶ δημοκρατίαν, ὧν καὶ Ἡρόδοτοσ ἐν τῇ τρίτῃ σύγκρισιν πεποίηται· καὶ δοκοῦσι γενικώταται εἶναι. τὰσ γὰρ ἄλλασ, ὥσπερ ἐν τοῖσ μουσικοῖσ διαγράμμασι τῶν πρώτων τρόπων ἀνιεμένων ἢ ἐπιτεινομένων, συμβέβηκε παρακρούσεισ καὶ διαφθορὰσ κατ’ ἔλλειψιν καὶ ὑπερβολὴν εἶναι.
ταύτασ καὶ πλεῖστον καὶ μέγιστον ἐν ἡγεμονίαισ δυνηθείσασ τῶν ἐθνῶν ἀπεκληρώσαντο τὰσ πολιτείασ, Πέρσαι μὲν αὐτοκρατῆ βασιλείαν καὶ ἀνυπεύθυνον, Σπαρτιᾶται δ’, ἀριστοκρατικὴν ὀλιγαρχίαν καὶ αὐθέκαστον, Ἀθηναῖοι δ’, αὐτόνομον καὶ ἄκρατον δημοκρατίαν.
ὧν ἁμαρτανομένων παρατροπαὶ καὶ ὑπερχύσεισ εἰσὶν αἱ λεγόμεναι τυραννίδεσ καὶ δυναστεῖαι καὶ ὀχλοκρατίαι·
ὅταν βασιλεία μὲν ὕβριν ἐντέκῃ καὶ τὸ ἀνυπεύθυνον· ὀλιγαρχία δ’ ὑπερφροσύνην καὶ τὸ αὔθαδεσ ·
δημοκρατία δ̓ ἀναρχίαν, ἰσότησ δ’ ἀμετρίαν, πᾶσαι δὲ τὸ ἀνόητον.
호흡부호 보기
강세부호 보기
장단부호 보기
작은 Iota 보기
모든 부호 보기