헬라어 문장 검색 - Πλυταρ́Δετρανθ

(플루타르코스, De tranquilitate animi, section 16)

ὥσ φησιν Ἐπίκουροσ· "ἥδιστα πρόσεισι πρὸσ τὴν αὔριον· ἀλλὰ καὶ πλοῦτοσ εὐφραίνει καὶ δόξα καὶ δύναμισ καὶ ἀρχή, καὶ μάλιστα τοὺσ ἣκιστα τἀναντία ταρβοῦντασ. ἡ γὰρ σφοδρὰ, περὶ ἕκαστον ἐπιθυμία σφοδρότατον φόβον ἐμποιοῦσα τοῦ μὴ παραμένειν; ἀσθενῆ τὴν χάριν ποιεῖ καὶ ἀβέβαιον ὥσπερ φλόγα καταπνεομένην.

ᾧ δὲ δίδωσι πρὸσ τὴν τύχην ἀδεῶσ καὶ ἀτρόμωσ εἰπεῖν ὁ λογισμὸσ ἡδὺ μὲν ἄν τι φέρῃσ, ὀλίγον δ’ ἄχοσ ἂν ἀπολείπῃσ,’ τοῦτον ἥδιστα ποιεῖ χρῆσθαι τοῖσ παροῦσι τὸ θαρραλέον καὶ μὴ δεδιὸσ αὐτῶν τὴν ἀποβολὴν ὡσ ἀφόρητον. "οἶδα τὸν πλοῦτον ἐφήμερον ἔχων καὶ οὐ βέβαιον·

"οἶδα τὴν ἀρχὴν ἀφελέσθαι δυναμένουσ τοὺσ δεδωκότασ·

"οἶδα τὴν γυναῖκα χρηστὴν γυναῖκα δ’ οὖσαν καὶ τὸν φίλον ἄνθρωπον ὄντα, φύσει εὐμετάβολον ζῷον" ὡσ ὁ Πλάτων εἶπεν. οἱο͂ν πηδήματα καρδίασ καὶ σφυγμοὺσ ἀφαιροῦσι καὶ ταχὺ πάλιν τὸ μανιῶδεσ καὶ ταραττόμενον ἱδρύουσιν.

ὁ μὲν οὖν Καρνεάδησ ἐπὶ πραγμάτων μεγάλων ὑπεμίμνησκεν, ὅτι πᾶν καὶ ὅλον ἐστὶν εἰσ λύπην καὶ ἀθυμίαν τὸ ἀπροσδόκητον.

ἡ γὰρ Μακεδόνων βασιλεία τῆσ Ῥωμαίων ἡγεμονίασ πολλοστημόριον ἦν· ἀλλὰ Περσεὺσ μὲν ἀποβαλὼν Μακεδονίαν αὐτόσ τε κατεθρήνει τὸν ἑαυτοῦ δαίμονα καὶ πᾶσιν ἐδόκει δυστυχέστατοσ ἀνθρώπων γεγονέναι καὶ βαρυποτμότατοσ·

ὁ δὲ τούτου κρατήσασ Αἰμίλιοσ ἑτέρῳ παραδιδοὺσ τὴν ὁμοῦ τι γῆσ καὶ θαλάττησ ἄρχουσαν δύναμιν ἐστεφανοῦτο καὶ ἔθυεν, εὐδαιμονιζόμενοσ εἰκότωσ.

οὗτοσ μὲν γὰρ ᾔδει λαμβάνων ἀρχὴν ἀποδοθησομένην, ἐκεῖνοσ δ’ ἀπέβαλε μὴ προσδοκήσασ.

εὖ δὲ καὶ ὁ ποιητὴσ οἱο͂́ν ἐστι τὸ, παρὰ προσδοκίαν ἐδίδαξεν· ὁ γὰρ Ὀδυσσεὺσ τοῦ μὲν κυνὸσ θανόντοσ ἐξεδάκρυσε, τῇ δὲ γυναικὶ κλαιούσῃ παρακαθήμενοσ οὐδὲν ἔπαθε τοιοῦτον· ἐνταῦθα μὲν γὰρ ἀφῖκτο τῷ λογισμῷ τὸ πάθοσ ὑποχείριον ἔχων καὶ προκατειλημμένον, εἰσ δ’ ἐκεῖνο μὴ προσδοκήσασ ἀλλ’ ἐξαίφνησ διὰ τὸ παράδοξον ἐνέπεσε.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, De tranquilitate animi, section 16

(플루타르코스, De tranquilitate animi, section 16)

상위

목록

SEARCH

MENU NAVIGATION