헬라어 문장 검색 - Πλυταρ́Δεσεραν́05́

(플루타르코스, De sera numinis vindicta, section 5)

"ταῦτα δ’ οὐκ ἀποδράσεωσ πρόφασίσ ἐστιν ἀλλὰ συγγνώμησ αἴτησισ, ὅπωσ ὁ λόγοσ, οἱο͂ν εἰσ λιμένα καὶ καταφυγὴν ἀποβλέπων, εὐθαρσέστερον ἐξαναφέρῃ τῷ πιθανῷ πρὸσ τὴν ἀπορίαν. "ἀλλὰ σκοπεῖτε πρῶτον, ὅτι κατὰ Πλάτωνα πάντων καλῶν ὁ θεὸσ ἑαυτὸν ἐν μέσῳ παράδειγμα θέμενοσ, τὴν ἀνθρωπίνην ἀρετήν, ἐξομοίωσιν οὖσαν ἁμωσγέπωσ πρὸσ αὑτόν, ἐνδίδωσι τοῖσ ἕπεσθαι θεῷ δυναμένοισ. "καὶ γὰρ ἡ πάντων φύσισ ἄτακτοσ οὖσα ταύτην ἔσχεν ἀρχὴν τοῦ μεταβαλεῖν καὶ γενέσθαι κόσμοσ, ὁμοιότητι καὶ μεθέξει τινὶ τῆσ περὶ τὸ θεῖον ἰδέασ καὶ ἀρετῆσ. καὶ τὴν ὄψιν αὐτὸσ οὗτοσ ἁνὴρ ἀνάψαι φησὶ τὴν φύσιν ἐν ἡμῖν, ὅπωσ ὑπὸ θέασ τῶν ἐν οὐρανῷ φερομένων καὶ θαύματοσ ἀσπάζεσθαι καὶ ἀγαπᾶν ἐθιζομένη τὸ εὔσχημον ἡ ψυχὴ καὶ τεταγμένον ἀπεχθάνηται τοῖσ ἀναρμόστοισ καὶ πλανητοῖσ πάθεσι καὶ φεύγῃ τὸ εἰκῆ καὶ ὡσ ἔτυχεν, ὡσ κακίασ καὶ πλημμελείασ ἁπάσησ γένεσιν. "οὐ γὰρ ἔστιν ὅ τι μεῖζον ἄνθρωποσ ἀπολαύειν θεοῦ πέφυκεν ἢ τὸ μιμήσει καὶ διώξει τῶν ἐν ἐκείνῳ καλῶν καὶ ἀγαθῶν εἰσ ἀρετὴν καθίστασθαι. "διὸ καὶ τοῖσ πονηροῖσ ἐν χρόνῳ καὶ σχολαίωσ τὴν δίκην ἐπιτίθησιν, οὐκ αὐτόσ τινα τοῦ ταχὺ κολάζειν ἁμαρτίαν δεδιὼσ ἢ μετάνοιαν, ἀλλ’ ἡμῶν τὸ περὶ τὰσ τιμωρίασ θηριῶδεσ καὶ λάβρον ἀφαιρῶν καὶ διδάσκων μὴ σὺν ὀργῇ μηδ’ ὅτε μάλιστα φλέγεται καὶ σφαδᾴζει πηδῶν ὁ θυμὸσ τῶν φρενῶν ἀνωτέρω καθάπερ δίψαν ἢ πεῖναν ἀποπιμπλάντασ ἐπιπηδᾶν τοῖσ λελυπηκόσιν, ἀλλὰ μιμουμένουσ τὴν ἐκείνου πραότητα καὶ τὴν μέλλησιν, ἐν τάξει καὶ ἐμμελείᾳ τὸν ἥκιστα μετανοίᾳ προσοισόμενον χρόνον ἔχοντασ σύμβουλον , ἅπτεσθαι τῆσ δίκησ. "ὕδατι γὰρ τεταραγμένῳ προσπεσόντα χρῆσθαι δι’ ἀκρασίαν ἧττόν ἐστι κακόν, ὡσ Σωκράτησ ἔλεγεν, ἢ θολερὸν ὄντα καὶ διάπλεων τὸν λογισμὸν ὀργῆσ καὶ μανίασ, πρὶν ἢ καταστῆναι καὶ γενέσθαι καθαρὸν ἐμφορεῖσθαι τιμωρίασ συγγενοῦσ καὶ ὁμοφύλου σώματοσ. ", οὐ γάρ ἐγγυτάτω τὸ ἀμύνασθαι τῷ παθεῖν ὡσ Θουκυδίδησ ἔλεγεν, ἀλλὰ μᾶλλον ἀπωτάτω κείμενον ἀπολαμβάνει τὸ προσῆκον. "ὡσ γὰρ ὁ θυμὸσ κατὰ τὸν Μελάνθιον τὰ δεινὰ πράσσει τὰσ φρένασ μετοικίσασ οὕτω καὶ ὁ λογισμὸσ τὰ δίκαια πράττει καὶ μέτρια, τὴν ὀργὴν καὶ τὸν θυμὸν ἐκποδὼν θέμενοσ. "ὅθεν ἡμεροῦνται καὶ τοῖσ ἀνθρωπίνοισ παραδείγμασιν, ἀκούοντεσ ὡσ Πλάτων τε τὴν βακτηρίαν ἀνατεινάμενοσ τῷ παιδὶ πολὺν ἔστη χρόνον, ὡσ αὐτὸσ ἔφη, τὸν θυμὸν κολάζων καὶ Ἀρχύτασ οἰκετῶν τινα πλημμέλειαν ἐν ἀγρῷ καὶ ἀταξίαν καταμαθών, εἶθ’ ἑαυτοῦ συναισθανόμενοσ ἐμπαθέστερον ἔχοντοσ καὶ τραχύτερον πρὸσ αὐτούσ, οὐδὲν ἐποίησεν ἀλλ’ ἢ τοσοῦτον ἀπιών εὐτυχεῖτ’ εἶπεν ὅτι ὀργίζομαι ὑμῖν. εἴπερ οὖν ἀνδρῶν λόγοι μνημονευόμενοι καὶ πράξεισ λεγόμεναι τὸ τραχὺ καὶ σφοδρὸν ἀπαρύτουσι τῆσ ὀργῆσ, πολὺ μᾶλλον εἰκὸσ ἡμᾶσ τὸν θεὸν ὁρῶντασ, ᾧ δέοσ οὐδὲν οὐδὲ μετάνοια πράγματοσ οὐδενόσ, ὅμωσ ἐν τῷ μέλλοντι τὴν τιμωρίαν κατατιθέμενον καὶ περιμένοντα τὸν χρόνον, εὐλαβεῖσ περὶ τὰ τοιαῦτα γίγνεσθαι καὶ θεῖον ἡγεῖσθαι μόριον ἀρετῆσ τὴν πραότητα καὶ τὴν μετριοπάθειαν, ἣν ὁ θεὸσ ἐνδείκνυται τῷ μὲν κολάζειν ὀλίγουσ ἐπανορθοῦσαν, τῷ δὲ βραδέωσ πολλοὺσ ὠφελοῦσαν καὶ νουθετοῦσαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, De sera numinis vindicta, section 5

(플루타르코스, De sera numinis vindicta, section 5)

상위

목록

SEARCH

MENU NAVIGATION