헬라어 문장 검색 - Πλυταρ́Δεπριμό1́09́

(플루타르코스, De primo frigido, chapter, section 9)

οὐ μὴν ἀλλὰ καὶ τὰ αἰσθητὰ ταυτὶ προανακινῆσαι βέλτιόν ἐστιν, ἐν οἷσ Ἐμπεδοκλῆσ τε καὶ Στράτων καὶ οἱ Στωικοὶ τὰσ οὐσίασ τίθενται τῶν δυνάμεων, οἱ μὲν Στωικοὶ τῷ ἀέρι τὸ πρώτωσ ψυχρὸν ἀποδιδόντεσ, Ἐμπεδοκλῆσ δὲ καὶ Στράτων τῷ ὕδατι· τὴν δὲ γῆν ἴσωσ ἂν ἕτεροσ φανείη ψυχρότητοσ αἰτίαν ὑποτιθέμενοσ.

πρότερον δὲ τὰ ἐκείνων σκοπῶμεν. ἐπεὶ τὸ πῦρ θερμὸν ἅμα καὶ λαμπρόν ἐστι, δεῖ τὴν ἀντικειμένην τῷ πυρὶ φύσιν ψυχρὰν τ’ εἶναι καὶ σκοτεινήν· ἀντίκειται γὰρ ὡσ τῷ λαμπρῷ τὸ ζοφερὸν οὕτω τῷ. θερμῷ τὸ ψυχρόν· ἔστι γὰρ ὡσ ὄψεωσ τὸ σκοτεινὸν οὕτω τὸ ψυχρὸν ἁφῆσ συγχυτικόν, 1 ἡ δὲ θερμότησ διαχεῖ τὴν αἴσθησιν τοῦ ἁπτομένου καθάπερ ἡ λαμπρότησ τοῦ ὁρῶντοσ. τὸ ἄρα πρώτωσ σκοτεινὸν ἐν τῇ φύσει πρώτωσ καὶ ψυχρόν ἐστιν. ὅτι δ’ ἀὴρ τὸ πρώτωσ σκοτεινὸν ἐστιν, οὐδὲ τοὺσ ποιητὰσ;

λέληθεν· ἀέρα γὰρ τὸ σκότοσ 1 καλοῦσιν ἀὴρ γὰρ παρὰ νηυσὶ βαθεῖ’ ἦν οὐδὲ σελήνη οὐρανόθεν προύφαινε· καἴπάλιν ἠέρα ἑσσάμενοι πᾶσαν φοιτῶσιν ἐπ’ αἰᾶν καὶ πάλιν αὐτίκα δ’ ἠέρα μὲν σκέδασεν καὶ ἀπῶσεν ὀμίχλην, ἠέλιοσ δ’ ἐπέλαμψε· μάχη δ’ ἐπὶ πᾶσα φαάνθη. τὸν ἀφώτιστον ἀέρα καλοῦσι, κενόν, ὡσ ἐοίκε, φάουσ ὄντα· ὁ συμπεσὼν καὶ πυκνωθεὶσ ἀὴρ ἀποφάσει φωτὸσ κέκληται καλεῖται δὲ καὶ ἀχλὺσ καὶ ὁμίχλη· καὶ ὅσα τοῦ φωτὸσ οὐ παρέχει τῇ αἰσθήσει δίοψιν ἀέροσ εἰσὶ διαφοραί·

καὶ τὸ ἀειδὲσ αὐτοῦ καὶ ἄχρωστον Αἵδησ καὶ Ἀχέρων ἐπίκλησιν ἔσχεν.

ὥσπερ οὖν αὐγῆσ ἐπιλιπούσησ σκοτεινὸσ ἀήρ, οὕτω θερμοῦ μεταστάντοσ τὸ ἀπολειπόμενον ἀὴρ ψυχρὸσ ἄλλο δ’ οὐδέν ἐστι· διὸ καὶ Τάρταροσ οὗτοσ ὑπὸ ψυχρότητοσ κέκληται δηλοῖ δὲ καὶ Ἡσίοδοσ εἰπὼν τάρταρά τ’ ἠερόεντα· ταῦτα μὲν οὖν τοιοῦτον ἔχει λόγον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, De primo frigido, chapter, section 9

(플루타르코스, De primo frigido, chapter, section 9)

상위

목록

SEARCH

MENU NAVIGATION