Plutarch, De primo frigido, chapter, section 1

(플루타르코스, De primo frigido, chapter, section 1)

εστι τισ ἆρα τοῦ ψυχροῦ δύναμισ, ὦ Φαβωρῖνε, πρώτη καὶ οὐσία, καθάπερ τοῦ θερμοῦ τὸ πῦρ, ἧσ παρουσίᾳ τινὶ καὶ μετοχῇ γίνεται τῶν ἄλλων ἕκαστον ψυχρόν· ἢ μᾶλλον ἡ ψυχρότησ στέρησὶσ ἐστι θερμότητοσ, ὥσπερ τοῦ φωτὸσ τὸ σκότοσ λέγουσι καὶ τῆσ κινήσεωσ τὴν στάσιν; ἐπεὶ καὶ τὸ ψυχρὸν ἐοίκε στάσιμον εἶναι, κινητικὸν δὲ τὸ θερμόν·

αἵ τε τῶν θερμῶν καταψύξεισ οὐδεμιᾶσ παρουσίᾳ γίγνονται δυνάμεωσ, ἀλλ’ ἐκστάσει θερμότητοσ·

ἅμα γὰρ ἀπιοῦσα πολλὴ φαίνεται καὶ ψύχεται τὸ ὑπολειπόμενον· ὁ γὰρ ἀτμόσ, ὃν τὰ ζέοντα τῶν ὑδάτων μεθίησιν, ἀπιόντι τῷ θερμῷ συνεκπίπτει διὸ καὶ μειοῖ τὸ πλῆθοσ ἡ περίψυξισ ἐκκρίνουσα τὸ θερμόν, ἑτέρου μηδενὸσ ἐπεισιόντοσ.

SEARCH

MENU NAVIGATION