호흡부호 보기
강세부호 보기
장단부호 보기
작은 Iota 보기
모든 부호 보기
βραχέα δὲ προσθεὶσ ἔτι περιγράψω τὰσ ὑποθήκασ. πρὸ πάντων γὰρ δεῖ τοὺσ πατέρασ τῷ μηδὲν ἁμαρτάνειν ἀλλὰ πάνθ’ ἃ δεῖ πράττειν ἐναργὲσ αὑτοὺσ παράδειγμα τοῖσ τέκνοισ παρέχειν, ἵνα πρὸσ τὸν τούτων βίον ὥσπερ κάτοπτρον ἀποβλέποντεσ ἀποτρέπωνται τῶν αἰσχρῶν ἔργων καὶ λόγων. ὡσ οἵτινεσ τοῖσ ἁμαρτάνουσιν υἱοῖσ ἐπιτιμῶντεσ τοῖσ αὐτοῖσ ἁμαρτήμασι περιπίπτουσιν, ἐπὶ τῷ ἐκείνων ὀνόματι λανθάνουσιν ἑαυτῶν κατήγοροι γιγνόμενοι τὸ δ’ ὅλον φαύλωσ ζῶντεσ οὐδὲ τοῖσ δούλοισ παρρησίαν ἄγουσιν ἐπιτιμᾶν, μὴ τί γε τοῖσ υἱοῖσ.
χωρὶσ δὲ τούτων γένοιντ’ ἂν αὐτοῖσ τῶν ἀδικημάτων σύμβουλοι καὶ διδάσκαλοι. ὅπου γὰρ γέροντέσ εἰσιν ἀναίσχυντοι, ἐνταῦθ’ ἀνάγκη καὶ νέουσ ἀναιδεστάτουσ εἶναι.
πειρατέον οὖν εἰσ τὸν τῶν τέκνων σωφρονισμὸν πάνθ’ ὅσα προσῆκεν ἐπιτηδεύειν, ζηλώσαντασ Εὐρυδίκην, ἣτισ Ἰλλυρὶσ οὖσα καὶ τριβάρβαροσ, ὅμωσ ἐπὶ τῇ μαθήσει τῶν τέκνων ὀψὲ τῆσ ἡλικίασ ἥψατο παιδείασ. ἱκανῶσ δ’ αὐτῆσ τὴν φιλοτεκνίαν σημαίνει τοὐπίγραμμα, ὅπερ ἀνέθηκε Μούσαισ Εὐρυδίκη Ιἑραπολιῆτισ τόνδ’ ἀνέθηκε Μούσαισ εὐίστον ψυχῇ ἑλοῦσα πόθον.
γράμματα γὰρ μνημεῖα λόγων μήτηρ γεγαυῖα παίδων ἡβώντων ἐξεπόνησε μαθεῖν.
τὸ μὲν οὖν πάσασ τὰσ προειρημένασ; συμπεριλαβεῖν εὐχῆσ ἴσωσ ἢ παραινέσεωσ ἔργον ἐστί· πλείουσ ζηλῶσαι καὶ αὐτὸ μὲν εὐμοιρίασ δεόμενὸν ἐστι καὶ πολλῆσ ἐπιμελείασ, ἀνυστὸν δ’ οὖν ἀνθρωπίνῃ φύσει καθέστηκεν.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기