헬라어 문장 검색 - Πλυταρ́Δεγλορί4́

(플루타르코스, De gloria Atheniensium, section 4)

καὶ γὰρ ἡ ποιητικὴ χάριν ἔσχε καὶ τιμὴν τῷ τοῖσ πεπραγμένοισ ἐοικότα λέγειν, ὡσ Ὅμηροσ ἔφη ἴσκε ψεύδεα πολλὰ λέγων ἐτύμοισιν ὁμοῖα. "ἐγγὺσ οὖν, Μένανδρε, τὰ Διονύσια, καὶ σὺ τὴν κωμῳδίαν οὐ πεποίηκασ; "νὴ τοὺσ θεοὺσ ἔγωγε πεποίηκα τὴν κωμῳδίαν· "ᾠκονόμηται γὰρ ἡ διάθεσισ· "δεῖ δ’ αὐτῇ τὰ στιχίδια ἐπᾷσαι," ὅτι καὶ αὐτοὶ τὰ πράγματα τῶν λόγων ἀναγκαιότερα καὶ κυριώτερα νομίζουσιν. ἡ δὲ Κόριννα τὸν Πίνδαρον, ὄντα νέον ἔτι καὶ τῇ λογιότητι σοβαρῶσ χρώμενον, ἐνουθέτησεν ὡσ ἄμουσον ὄντα καὶ μὴ ποιοῦντα μύθουσ, ὃ τῆσ ποιητικῆσ ἔργον εἶναι συμβέβηκε, γλώσσασ δὲ καὶ καταχρήσεισ καὶ μεταφοράσεισ καὶ μέλη καὶ ῥυθμοὺσ δ’ ἡδύσματα τοῖσ πράγμασιν ὑποτιθέντα. σφόδρ’ οὖν ὁ Πίνδαροσ ἐπιστήσασ τοῖσ λεγομένοισ ἐποίησεν ἐκεῖνο τὸ μέλοσ Ἰσμηνὸν ἢ χρυσαλάκατον Μελίαν, ἢ Κάδμον ἢ Σπαρτῶν ἱερὸν γένοσ ἀνδρῶν, ἢ τὸ πάνυ σθένοσ Ἡρακλέουσ ἢ τὰν Διωνύσου πολυγαθέα τιμάν.

δειξαμένου δὲ τῇ Κορίννῃ γελάσασα ἐκείνη τῇ χειρὶ δεῖν ἔφη σπείρειν, ἀλλὰ μὴ ὅλῳ τῷ θυλάκῳ. τῷ γὰρ ὄντι συγκεράσασ καὶ συμφορήσασ πανσπερμίαν τινὰ μύθων ὁ Πίνδαροσ εἰσ τὸ μέλοσ ἐξέχεεν. ἀλλ’ ὅτι μὲν ἡ ποιητικὴ περὶ μυθοποιίαν ἐστί καὶ Πλάτων εἴρηκεν. ὁ δὲ μῦθοσ εἶναι βούλεται λόγοσ ψευδὴσ ἐοικὼσ ἀληθινῷ· διὸ καὶ πολὺ τῶν ἔργων ἀφέστηκεν, εἰ λόγοσ μὲν ἔργου, καὶ λόγου δὲ μῦθοσ εἰκὼν καὶ εἴδωλόν ἐστι. καὶ τοσοῦτον τῶν ἱστορούντων οἱ πλάττοντεσ τὰσ πράξεισ ὑστεροῦσιν, ὅσον ἀπολείπονται τῶν πραττόντων οἱ λέγοντεσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, De gloria Atheniensium, section 4

(플루타르코스, De gloria Atheniensium, section 4)

상위

목록

SEARCH

MENU NAVIGATION