Plutarch, De genio Socratis, section 14

(플루타르코스, De genio Socratis, section 14)

"ποιοῦμεν, ὦ Καφεισία; "προϊέμεθα τὴν πενίαν τοῖσ χρήμασι καὶ σιωπῶμεν; "τὴν φίλην καὶ ἀγαθὴν κουροτρόφον ·

"ἀλλ’ ἄμυνε σὸσ γὰρ ὁ λόγοσ. "ὦ πάτερ, ταύτῃ μόνον τὴν οἰκίαν ἐδεδίειν ἁλώσιμον ὑπὸ χρημάτων εἶναι, κατὰ τὸ Καφισίου σῶμα, καλῆσ μὲν ἐσθῆτοσ δεόμενον ἵνα τοῖσ ἐρασταῖσ ἐγκαλλωπίσηται τοσούτοισ οὖσιν, ἀφθόνου δὲ καὶ πολλῆσ; "τροφῆσ ἵν’ ἀντέχῃ πρὸσ τὰ γυμνάσια καὶ πρὸσ τοὺσ ἐν ταῖσ παλαίστραισ ἀγῶνασ· "ὁπηνίκα δ’ οὗτοσ οὐ προδίδωσι τὴν πενίαν οὐδ’ ὡσ βαφὴν ἀνίησι τὴν πάτριον πενίαν, ἀλλὰ καίπερ ὢν μειράκιον, εὐτελείᾳ καλλωπίζεται καὶ στέργει τὰ παρόντα, τίσ ἂν ἡμῖν γένοιτο τῶν χρημάτων διάθεσισ καὶ χρῆσισ; "ἦπου καταχρυσώσομεν τὰ ὅπλα, καὶ τὴν ἀσπίδα πορφύρᾳ συμμεμιγμένῃ πρὸσ χρυσίον, ὥσπερ Νικίασ ὁ Ἀθηναῖοσ, διαποικιλοῦμεν; "σοὶ δ’, ὦ πάτερ, Μιλησίαν χλανίδα τῇ δὲ μητρὶ παραλουργὸν ὠνησόμεθα χιτώνιον; "οὐ γὰρ εἰσ γαστέρα δήπου καταχρησόμεθα τὴν δωρεάν, εὐωχοῦντεσ αὑτοὺσ πολυτελέστερον, ὥσπερ ξένον ὑποδεδεγμένοι βαρύτερον τὸν πλοῦτον ἄπαγ’" · "παῖ·

"μηδέποτε τοιαύτην ἐπίδοιμι μετακόσμησιν . "καθισόμεθα φρουροῦντεσ οἴκοι τὸν πλοῦτον·

"οὔκουν δεῖ χρημάτων οὐδ’ ὅπλων ἐπ’ αὐτὴν μηδὲν ἀνιῶσαν ἀλλ’ ἀπάγγελλε τοῖσ ἐκεῖ γνωρίμοισ, ὅτι κάλλιστα μὲν αὐτοὶ πλούτῳ χρῶνται καλῶσ δὲ πενίᾳ χρωμένουσ αὐτόθι φίλουσ ἔχουσι, τὰσ δὲ Λύσιδοσ ἡμῖν τροφὰσ καὶ ταφὰσ αὐτὸσ ὑπὲρ αὑτοῦ Λῦσισ ἀπέδωκε, τὰ τ’ ἄλλα καὶ πενίαν διδάξασ μὴ δυσχεραίνειν. "ἄχαρισ γὰρ ἂν οὕτωσ ἡ χάρισ καὶ ἄτιμοσ ἡ κτῆσισ εἰή. "τί μήν; εἶπεν ὁ πατήρ. "Ιἄσωνι μὲν τῷ Θετταλῶν ταγῷ πέμψαντι δεῦρο πολὺ χρυσίον ἔναγχοσ πρὸσ ἡμᾶσ καὶ δεομένῳ λαβεῖν ἀγροικότεροσ ἐφάνην ἀποκρινόμενοσ ἀδίκων χειρῶν αὐτὸν κατάρχειν, ὅτι μοναρχίασ ὢν ἐραστὴσ ἄνδρα δημότην ἐλευθέρασ καὶ αὐτονόμου πόλεωσ ἐπείρα διὰ χρημάτων. "σοῦ δ’, ὦ ξένε, τὴν μὲν προθυμίαν ̔ καλὴ γὰρ καὶ φιλόσοφοσ’ δέχομαι καὶ ἀγαπῶ διαφερόντωσ· "ἥκεισ δὲ φάρμακα φίλοισ μὴ νοσοῦσι κομίζων. "ὥσπερ οὖν εἰ πολεμεῖσθαι πυθόμενοσ ἡμᾶσ ἔπλευσασ ὅπλοισ καὶ βέλεσιν ἡμᾶσ ὠφελήσων, εἶτα φιλίαν καὶ εἰρήνην εὑρ͂εσ, οὐκ ἂν ᾤου δεῖν ἐκεῖνα διδόναι καὶ ἀπολείπειν μὴ δεομένοισ· "οὕτω σύμμαχοσ μὲν ἀφῖξαι πρὸσ πενίαν ὡσ ἐνοχλουμένοισ ὑπ’ αὐτῆσ, ἡ δ’ ἐστὶ ῥᾴστη φέρειν ἡμῖν καὶ φίλη σύνοικοσ.

SEARCH

MENU NAVIGATION