헬라어 문장 검색 - Πλυταρ́Δεγενιό12́0́01́

(플루타르코스, De genio Socratis, section 12 1:)

"Φειδόλαε, περὶ τούτων, εἴ τι Σωκράτουσ αὐτὸσ λέγοντοσ ἤκουσεν, ἕτοιμοσ ἀκροᾶσθαι καὶ πείθεσθαι μεθ’ ὑμῶν· "τὰ δ’ ὑπὸ σοῦ λελεγμένα καὶ Πολύμνιοσ οὐ χαλεπὸν ἀνελεῖν. ὡσ γὰρ ἐν ἰατρικῇ σφυγμὸσ ἢ φλύκταινα μικρὸν οὐ μικροῦ δὲ σημεῖόν ἐστι, καὶ κυβερνήτῃ πελάγουσ φθόγγοσ ὄρνιθοσ ἢ διαδρομὴ κνηκίδοσ ἀραιᾶσ πνεῦμα σημαίνει καὶ κίνησιν τραχυτέραν θαλάσσησ· "οὕτω μαντικῇ ψυχῇ πταρμὸσ ἢ κληδὼν οὐ μέγα καθ’ αὑτὸ σύμβολον δὲ μεγάλου συμπτώματοσ· "οὐδεμιᾶσ γὰρ τέχνησ καταφρονεῖται τὸ μικροῖσ μεγάλα καὶ δι’ ὀλίγων, πολλὰ προμηνύειν. "ἀλλ’ ὥσπερ εἴ τισ ἄπειροσ γραμμάτων δυνάμεωσ ὁρῶν ὀλίγα πλήθει καὶ φαῦλα τὴν μορφὴν ἀπιστοίη ἄνδρα γραμματικὸν ἐκ τούτων ἀναλέγεσθαι πολέμουσ μεγάλουσ, οἳ τοῖσ πάλαι συνέτυχον, καὶ κτίσεισ πόλεων πράξεισ τε καὶ παθήματα βασιλέων, εἶτα φαίη φωνὴν ἢ ὅμοιόν τι μηνύειν καὶ καταλέγειν ἐκείνῳ τῶν ἱστορικῶν τούτων ἕκαστον, ἡδὺσ ἄν, ὦ φίλε, γέλωσ σοι τοῦ ἀνθρώπου τῆσ ἀπειρίασ ἐπέλθοι οὕτω σκόπει, μὴ καὶ ἡμεῖσ τῶν μαντικῶν ἑκάστου τὴν δύναμιν ἀγνοοῦντεσ, ᾗ συμβάλλει πρὸσ τὸ μέλλον, εὐήθωσ ἀγανακτῶμεν, εἰ νοῦν ἔχων ἄνθρωποσ ἐκ τούτων ἀποφαίνεταί τι περὶ τῶν ἀδήλων, καὶ ταῦτα φάσκων αὐτὸσ οὐ πταρμὸν οὐδὲ φωνὴν ἀλλὰ δαιμόνιον αὐτῷ τῶν πράξεων ὑφηγεῖσθαι. "μέτειμι γὰρ ἤδη πρὸσ σέ, ὦ Πολύμνι, θαυμάζοντα Σωκράτουσ ἀνδρὸσ ἀτυφίᾳ καὶ ἀφελείᾳ μάλιστα δὴ φιλοσοφίαν ἐξανθρωπίσαντοσ, εἰ μὴ πταρμὸν μηδὲ κληδόνα τὸ σημεῖον ἀλλὰ τραγικῶσ πάνυ τὸ δαιμόνιον ὠνόμαζεν. "ἐγὼ γὰρ ἂν τοὐναντίον ἐθαύμαζον ἀνδρὸσ ἄκρου διαλέγεσθαι καὶ κρατεῖν ὀνομάτων, ὥσπερ Σωκράτησ, εἰ μὴ τὸ δαιμόνιον ἀλλὰ τὸν πταρμὸν αὑτῷ σημαίνειν ἔλεγεν· "ὥσπερ εἴ τισ ὑπὸ τοῦ βέλουσ φαίη τετρῶσθαι μὴ τῷ βέλει ὑπὸ τοῦ βαλόντοσ, μεμετρῆσθαι δ’ αὖ τὸ βάροσ ὑπὸ τοῦ ζυγοῦ μὴ τῷ ζυγῷ ὑπὸ τοῦ ἱστάντοσ. "οὐ γὰρ τοῦ ὀργάνου τὸ ἔργον, ἀλλ’ οὗ καὶ τὸ ὄργανον ᾧ χρῆται πρὸσ τὸ ἔργον· "ὄργανον δέ τι καὶ τὸ σημεῖον ᾧ χρῆται τὸ σημαῖνον· "ἀλλ’ ὅπερ εἶπον, εἴ τι Σιμμίασ ἔχοι λέγειν, ἀκουστέον, ὡσ εἰδότοσ ἀκριβέστερον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, De genio Socratis, section 12 1:

(플루타르코스, De genio Socratis, section 12 1:)

상위

목록

SEARCH

MENU NAVIGATION