Plutarch, De fortuna Romanorum, section 11 2:

τρόπαια τροπαίοισ ἐπανίσταται καὶ θριάμβοι θριάμβοισ ἀπαντῶσι, καὶ τὸ πρῶτον αἷμα τῶν ὅπλων ἔτι θερμὸν ἀποκλύζεται τῷ δευτέρῳ καταλαμβανόμενον. τὰσ δὲ νίκασ ἀριθμοῦσιν οὐ νεκρῶν πλήθει καὶ λαφύρων, ἀλλὰ βασιλείαισ αἰχμαλώτοισ καὶ δεδουλωμένοισ ἔθνεσι καὶ νήσοισ καὶ ἠπείροισ προσοριζομέναισ τῷ μεγέθει τῆσ ἡγεμονίασ. μιᾷ μάχῃ Φίλιπποσ ἀπέβαλε Μακεδονίαν, μιᾷ πληγῇ παρεχώρησεν Ἀντίοχοσ Ἀσίασ, ἅπαξ Καρχηδόνιοι σφα λέντεσ ἀπώλεσαν Λιβύην.