Plutarch, De fortuna Romanorum, section 8 5:

(플루타르코스, De fortuna Romanorum, section 8 5:)

ἔφη γὰρ τὴν ὑστεραίαν ἐρίσαι πρὸσ τὴν ἑορτὴν λέγουσαν ὡσ ἐκείνη μέν ἐστι κοπώδησ καὶ ἄσχολοσ, ἐν αὐτῇ δὲ τῶν παρεσκευασμένων ἀπολαύουσι μεθ’ ἡσυχίασ. "ἀληθῆ λέγεισ, ἀλλ’ ἐμοῦ μὴ γενομένησ, ποῦ ἂν σὺ ἦσθα; "μὴ γενομένου περὶ τὰ Μηδικά, τίσ ἂν ὑμῶν ἦν νῦν ὄνησισ; "λαμπρὰ μὲν τὰ σὰ ἔργα καὶ μεγάλα καὶ θεῖον ὡσ ἀληθῶσ ἐξέφηνασ αἷμα καὶ γένοσ οὖσαν σεαυτήν· "ἀλλ’ ὁρᾷσ πόσον ὑστερεῖσ μου; "εἰ γὰρ ἐγὼ τότε μὴ παρηκολούθησα χρηστὴ καὶ φιλάνθρωποσ, ἀλλ’ ἀπέλιπον καὶ προηκάμην τὰ νήπια, σὺ πῶσ ἂν ἐγένου καὶ πόθεν ἐξέλαμψασ; "εἰ τότε μὴ θῆλυ θηρίον ἐπῆλθε φλεγμαῖνον ὑπὸ πλήθουσ καὶ φορᾶσ γάλακτοσ καὶ τραφησομένου δεόμενον μᾶλλον ἢ θρέψοντοσ, ἀλλ’ ἀνήμερόν τι τελέωσ καὶ λιμῶττον, οὐκ ἂν ἔτι νῦν τὰ καλὰ ταῦτα βασίλεια καὶ ναοὶ καὶ θέατρα καὶ περίπατοι καὶ ἀγοραὶ καὶ ἀρχεῖα βοτηρικαὶ καλύβαι καὶ σταθμοὶ νομέων ἦσαν Ἀλβανὸν ἢ Τυρρηνὸν ἢ Λατῖνον ἄνδρα δεσπότην προσκυνούντων; "ἀρχὴ" μὲν δὴ μέγιστον ἐν παντί, μάλιστα δ’ ἐν ἱδρύσει καὶ κτίσει πόλεωσ·

일치하는 문장이 없습니다.

SEARCH

MENU NAVIGATION