Plutarch, De fortuna Romanorum, section 1 1:

Ιὤν μὲν οὖν ὁ ποιητὴσ ἐν τοῖσ δίχα μέτρου καὶ καταλογάδην αὐτῷ γεγραμμένοισ φησὶν ἀνομοιότατον πρᾶγμα τῇ σοφίᾳ τὴν τύχην οὖσαν ὁμοιοτάτων πραγμάτων γίγνεσθαι δημιουργόν· αὔξουσιν ἀμφότεραι, προσκοσμοῦσιν ἄνδρασ, εἰσ δόξαν ἀνάγουσιν, εἰσ δύναμιν, εἰσ ἡγεμονίαν. τί δεῖ τὰ πολλὰ μηκύνειν ἐξαριθμούμενον; αὐτὴν τὴν τὰ πάντα γεννῶσαν ἡμῖν καὶ φέρουσαν φύσιν οἱ μὲν τύχην εἶναι νομίζουσιν, οἱ δὲ σοφίαν.