헬라어 문장 검색 - Πλυταρ́Δεξυριο

(플루타르코스, De curiositate, section 14)

ἔστι τοίνυν καὶ πρὸσ δικαιοσύνην ἄσκησισ, ὑπερβῆναί ποτε λῆμμα δίκαιον, ἵνα πόρρω τῶν ἀδίκων ἐθίσῃσ σεαυτὸν εἶναι· καὶ πρὸσ σωφροσύνην ὁμοίωσ, ἀποσχέσθαι ποτὲ γυναικὸσ ἰδίασ, ἵνα μηδέποτε κινηθῇσ ὑπ’ ἀλλοτρίασ. τοῦτο δὴ τὸ ἔθοσ ἐπάγων τῇ πολυπραγμοσύνῃ πειρῶ καὶ τῶν ἰδίων ἔνια παρακοῦσαί ποτε καὶ παριδεῖν καί, βουλομένου τινὸσ ἀγγεῖλαί τι τῶν ἐπὶ τῆσ οἰκίασ, ὑπερβαλέσθαι, καὶ λόγουσ περὶ σοῦ λελέχθαι δοκοῦντασ ἀπώσασθαι.

καὶ γὰρ τὸν Οἰδίποδα τοῖσ μεγίστοισ κακοῖσ ἡ περιεργία περιέβαλε·

ζητῶν γὰρ ἑαυτὸν ὡσ οὐκ ὄντα Κορίνθιον ἀλλὰ ξένον, ἀπήντησε τῷ Λαϊῴ, καὶ τοῦτον ἀνελὼν καὶ τὴν μητέρα λαβὼν ἐπὶ τῇ βασιλείᾳ γυναῖκα καὶ δοκῶν εἶναι μακάριοσ πάλιν ἑαυτὸν ἐζήτει.

καὶ τῆσ γυναικὸσ οὐκ ἐώσησ, ἔτι μᾶλλον ἤλεγχε τὸν συνειδότα γέροντα, πᾶσαν προσφέρων ἀνάγκην.

τέλοσ δὲ τοῦ πράγματοσ ἢδη περιφέροντοσ αὐτὸν τῇ ὑπονοίᾳ καὶ τοῦ γέροντοσ ἀναβοήσαντοσ οἴμοι πρὸσ αὐτῷ γ’ εἰμὶ τῷ δεινῷ λέγειν, ὅμωσ ἐξημμένοσ ὑπὸ τοῦ πάθουσ καὶ σφαδᾴζων ἀποκρίνεται κἄγωγ’ ἀκούειν· ἀλλ’ ὅμωσ ἀκουστέον.

οὕτω τίσ ἐστι γλυκύπικροσ καὶ ἀκατάσχετοσ ὁ τῆσ πολυπραγμοσύνησ γαργαλισμόσ, ὥσπερ ἕλκοσ αἱμάσσων ἑαυτόν, ὅταν ἀμύσσηται.

ὁ δ’ ἀπηλλαγμένοσ τῆσ νόσου ταύτησ καὶ φύσει πρᾶοσ, ἀγνοήσασ τι τῶν δυσχερῶν εἴποι ἄν ὦ πότνια λήθη τῶν κακῶν, ὡσ εἶ σοφή.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, De curiositate, section 14

(플루타르코스, De curiositate, section 14)

상위

목록

SEARCH

MENU NAVIGATION