헬라어 문장 검색 - Πλυταρ́Δεξυριο

(플루타르코스, De curiositate, section 9)

τῇ μὲν οὖν πολυμαθείᾳ τὴν πολυλογίαν ἕπεσθαι συμβαίνει· διὸ καὶ Πυθαγόρασ ἔταξε τοῖσ νέοισ πενταέτιδα σιωπήν, ἐχεμυθίαν προσαγορεύσασ.

τῇ δὲ περιεργίᾳ τὴν κακολογίαν ἀνάγκη συνακολουθεῖν ἃ γὰρ ἡδέωσ ἀκούουσιν ἡδέωσ λαλοῦσι, καὶ ἃ παρ’ ἄλλων σπουδῇ συλλέγουσι πρὸσ ἑτέρουσ μετὰ χαρᾶσ ἐκφέρουσιν. ὅθεν αὐτοῖσ μετὰ τῶν ἄλλων κακῶν τὸ νόσημα καὶ πρὸσ τὴν ἐπιθυμίαν ἐμποδών ἐστι·

πάντεσ γὰρ αὐτοὺσ φυλάττονται καὶ ἀποκρύπτονται, καὶ οὔτε πρᾶξαί τι πολυπράγμονοσ ὁρῶντοσ οὔτε εἰπεῖν ἀκούοντοσ ἡδέωσ ἔχουσιν· ἀλλὰ καὶ βουλὰσ ἀνατίθενται καὶ σκέψεισ πραγμάτων ὑπερβάλλονται, μέχρι ἂν ἐκποδὼν ὁ τοιοῦτοσ γένηται·

ἀπορρήτου παρόντοσ ἢ πράξεωσ σπουδαίασ περαινομένησ ἀνὴρ πολυπράγμων ἐπιφανῇ, καθάπερ ὄψον γαλῆσ παραδραμούσησ αἴρουσιν ἐκ μέσου καὶ ἀποκρύπτουσιν·

ὥστε πολλάκισ τὰ τοῖσ ἄλλοισ ῥητὰ καὶ θεατὰ τούτοισ μόνοισ ἄρρητα καὶ ἀθέατα γίγνεσθαι.

διὸ καὶ πίστεωσ ἁπάσησ ἔρημοσ ὁ πολυπράγμων ἐστίν·

οἰκέταισ γοῦν καὶ ξένοισ πιστεύομεν μᾶλλον ἐπιστολὰσ καὶ γράμματα καὶ σφραγῖδασ ἢ φίλοισ καὶ οἰκείοισ πολυπράγμοσιν. ὁ δὲ Βελλεροφόντησ ἐκεῖνοσ οὐδὲ καθ’ ἑαυτοῦ γράμματα κομίζων ἔλυσεν, ἀλλ’ ἀπέσχετο τῆσ ἐπιστολῆσ τοῦ βασιλέωσ ὡσ τῆσ γυναικὸσ διὰ τὴν αὐτὴν ἐγκράτειαν. ἀκρασίασ γὰρ τὸ πολυπραγμονεῖν ὡσ καὶ τὸ μοιχεύειν, καὶ πρὸσ τῇ ἀκρασίᾳ δεινῆσ ἀνοίασ καὶ ἀφροσύνησ·

τὸ γὰρ τοσαύτασ παρελθόντα κοινὰσ καὶ δεδημοσιωμένασ γυναῖκασ; ἐπὶ τὴν κατάκλειστον ὠθεῖσθαι καὶ πολυτελῆ, πολλάκισ ἂν οὕτω τύχῃ καὶ ἄμορφον οὖσαν, ὑπερβολὴ μανίασ καὶ παραφροσύνησ.

ταὐτὸ δ’ οἱ πολυπράγμονεσ ποιοῦσι · καὶ γυναίοισ, πολλάκισ μὲν οὐδ’ ἀκινδύνωσ ἀεὶ δ’ ἀδόξωσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, De curiositate, section 9

(플루타르코스, De curiositate, section 9)

상위

목록

SEARCH

MENU NAVIGATION