Plutarch, Comparison of Lycurgus and Numa, chapter 4 4:

καὶ τοῖσ μὲν πολλοῖσ οὐκ ἄξιον ἐγκαλεῖν νομοθέταισ ἐλλείπουσιν ἢ δι’ ἄγνοιαν ἢ δι’ ἀσθένειαν ἀνδρὶ δὲ σοφῷ βασιλείαν παραλαβόντι δήμου νεωστὶ συνισταμένου καὶ πρόσ μηδὲν ἀντιτείνοντοσ, περὶ τί πρῶτον ἦν σπουδάσαι προσῆκον ἢ παίδων ἐκτροφὴν καὶ νέων ἄσκησιν, ὅπωσ μὴ διάφοροι μηδὲ ταραχώδεισ γένοιντο τοῖσ ἤθεσιν, ἀλλ’ εἰσ ἕν τι κοινὸν ἀρετῆσ ἴχνοσ εὐθὺσ ἐξ ἀρχῆσ πλαττόμενοι καὶ τυπούμενοι συμβαίνοιεν ἀλλήλοισ;