헬라어 문장 검색 - Πλυταρ́Ξομπαρι

(플루타르코스, Comparison of Lycurgus and Numa, chapter 3)

τῆσ δὲ περὶ τοὺσ γάμουσ καὶ τὰσ τεκνώσεισ κοινωνίασ τὸ ἀζηλότυπον ὀρθῶσ καὶ πολιτικῶσ ἐμποιοῦντεσ ἀμφότεροι τοῖσ ἀνδράσιν οὐ κατὰ πᾶν εἰσ τοῦτο συνηνέχθησαν, ἀλλ’ ὁ Ῥωμαῖοσ μὲν ἀνὴρ ἱκανῶσ ἔχων παιδοτροφίασ, ὑφ’ ἑτέρου δὲ πεισθεὶσ δεομένου τέκνων, ἐξίστατο τῆσ γυναικόσ, ἐκδόσθαι καὶ μετεκδόσθαι κύριοσ ὑπάρχων, ὁ δὲ Λάκων, οἴκοι τῆσ γυναικὸσ οὔσησ παρ’ αὐτῷ καὶ τοῦ γάμου μένοντοσ ἐπὶ τῶν ἐξ ἀρχῆσ δικαίων, μετεδίδου τῷ πείσαντι τῆσ κοινωνίασ εἰσ τέκνωσιν. πολλοὶ δέ, ὥσπερ εἴρηται, καὶ παρακαλοῦντεσ εἰσῆγον ἐξ ὧν ἂν ἐδόκουν μάλιστα παῖδασ εὐειδεῖσ καὶ ἀγαθοὺσ γενέσθαι, τίσ οὖν ἡ διάκρισισ τῶν ἐθισμῶν;

ἢ ταῦτα μὲν ἰσχυρὰ καὶ ἄκρατοσ ἀπάθεια πρὸσ γαμετὴν καὶ τὰ ταράττοντα καὶ κατακαίοντα ζηλοτυπίαισ τοὺσ πολλούσ, ἐκεῖνα δὲ ὥσπερ αἰσχυνομένη ἀτυφία τίσ, παρακάλυμμα τὴν ἐγγύην ἐφελκομένη καὶ τὸ δυσκαρτέρητον ἐξομολογουμένη τῆσ κοινωνίασ; ἔτι δὲ μᾶλλον ἡ περὶ τὰσ παρθένουσ φυλακὴ κατέσταλται τῷ Νομᾷ πρὸσ τὸ θῆλυ καὶ κόσμιον ἡ δὲ τοῦ Λυκούργου παντάπασιν ἀναπεπταμένη καὶ ἄθηλυσ οὖσα τοῖσ ποιηταῖσ λόγον παρέσχηκε.

φαινομηρίδασ τε γὰρ αὐτὰσ ἀποκαλοῦσιν, ὡσ Ἴβυκοσ, καὶ ἀνδρομανεῖσ λοιδοροῦσιν, ὡσ Εὐριπίδησ, λέγων· αἳ σὺν νέοισιν ἐξερημοῦσιν δόμουσ γυμνοῖσι μηροῖσ καὶ πέπλοισ ἀνειμένοισ. τῷ γὰρ ὄντι τοῦ παρθενικοῦ χιτῶνοσ αἱ πτέρυγεσ οὐκ ἦσαν συνερραμμέναι κάτωθεν, ἀλλ’ ἀνεπτύσσοντο καὶ συνανεγύμνουν ὅλον ἐν τῷ βαδίζειν τὸν μηρόν.

καὶ σαφέστατα τὸ γινόμεοον εἴρηκε Σοφοκλῆσ ἐν τούτοισ· καὶ τὰν νέορτον, ἇσ ἔτ’ ἄστολοσ χιτὼν θυραῖον ἀμφὶ μηρὸν πτύσσεται, Ἑρμιόναν. διὸ καὶ θρασύτεραι λέγονται γενέσθαι καὶ πρὸσ αὐτοὺσ πρῶτον ἀνδρώδεισ τοὺσ ἄνδρασ, ἅτε δὴ τῶν μὲν οἴκων ἄρχουσαι κατὰ κράτοσ, ἐν δὲ τοῖσ δημοσίοισ πράγμασι καὶ γνώμησ μεταλαμβάνουσαι καὶ παρρησίασ περὶ τῶν μεγίστων, ὁ δὲ Νομᾶσ ταῖσ γαμεταῖσ τὸ μὲν ἀξίωμα καὶ τὴν τιμὴν ἐτήρησε πρὸσ τοὺσ ἄνδρασ, ἣν εἶχον ἀπὸ Ῥωμύλου θεραπευόμεναι διὰ τὴν ἁρπαγήν, αἰδῶ δὲ πολλὴν ἐπέστησεν αὐταῖσ καὶ πολυπραγμοσύνην ἀφεῖλε καὶ νήφειν ἐδίδαξε καὶ σιωπᾶν εἴθισεν, οἴνου μὲν ἀπεχομένασ τὸ πάμπαν, λόγῳ δὲ μηδὲ ὑπὲρ τῶν ἀναγκαίων ἀνδρὸσ ἄνευ χρωμένασ.

λέγεται γοῦν ποτε γυναικὸσ εἰπούσησ δίκην ἰδίαν ἐν ἀγορᾷ πέμψαι τὴν σύγκλητον εἰσ θεοῦ, πυνθανομένην τίνοσ ἄρα τῇ πόλει σημεῖον εἰή τὸ γεγενημένον.

καὶ τῆσ ἄλλησ εὐπειθείασ καὶ πρᾳότητοσ αὐτῶν μέγα τεκμήριον ἡ μνήμη τῶν χειρόνων. οὕτω Ῥωμαῖοι μνημονεύουσιν ὅτι πρῶτοσ μὲν ἀπεπέμψατο γυναῖκα Σπόριοσ Καρβίλιοσ, μετὰ τὴν Ῥώμησ κτίσιν ἔτεσι τριάκοντα καὶ διακοσίοισ οὐδενὸσ τοιούτου γεγονότοσ, πρώτη δὲ γυνὴ Πιναρίου Θαλαία τοὔνομα διηνέχθη πρὸσ ἑκυρὰν αὑτῆσ Γεγανίαν Ταρκυνίου Σουπέρβου βασιλεύοντοσ, οὕτω καλῶσ καὶ κοσμίωσ τεταγμένα τὰ τῶν γάμων ἦν ὑπὸ τοῦ νομοθέτου.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Comparison of Lycurgus and Numa, chapter 3

(플루타르코스, Comparison of Lycurgus and Numa, chapter 3)

상위

목록

SEARCH

MENU NAVIGATION