Plutarch, Comparison of Lycurgus and Numa, chapter 1 4:

ὅθεν ὁ μὲν δι’ εὐνοίασ καὶ τιμῆσ ἅπαντα πείθων ἔπραξεν, ὁ δε κινδυνεύων καὶ βαλλόμενοσ μόγισ ἐπεκράτησεν· ἥμεροσ μέντοι καὶ φιλάνθρωποσ ἡ τοῦ Νομᾶ μοῦσα πρὸσ εἰρήνην καὶ δικαιοσύνην μεθαρμοσαμένου καὶ καταπραΰναντοσ ἐξ ἀκρατῶν καὶ διαπύρων ἠθῶν τοὺσ πολίτασ. εἰ δὲ καὶ τὸ περὶ τοὺσ Εἵλωτασ ἀναγκάσει τισ ἡμᾶσ εἰσ τὴν Λυκούργου θέσθαι πολιτείαν, ὠμότατον ἔργον καὶ παρανομώτατον, μακρῷ τινι τὸν Νομᾶν ἑλληνικώτερον γεγονέναι νομοθέτην φήσομεν, ὅσ γε καὶ τοὺσ ὡμολογημένουσ δούλουσ ἔγευσε τιμῆσ ἐλευθέρασ, ἐν τοῖσ Κρονίοισ ἑστιᾶσθαι μετὰ τῶν δεσποτῶν ἀναμεμιγμένουσ ἐθίσασ.