헬라어 문장 검색 - Πλυταρ́Ξομπαρι

(플루타르코스, Comparison of Lycurgus and Numa, chapter 1)

ἀλλ’ ἐπεὶ τὸν Νομᾶ καὶ Λυκούργου διεληλύθαμεν βίον, ἐκκειμένων ἀμφοῖν, εἰ καὶ χαλεπὸν ἔργον, οὐκ ἀποκνητέον συναγαγεῖν τὰσ διαφοράσ, αἱ μὲν γὰρ κοινότητεσ ἐπιφαίνονται ταῖσ πράξεσιν, οἱο͂ν ἡ σωφροσύνη τῶν ἀνδρῶν, ἡ εὐσέβεια, τὸ πολιτικόν, τὸ παιδευτικόν, τὸ μίαν ἀρχὴν παρὰ τῶν θεῶν ἀμφοτέρουσ λαβεῖν τῆσ νομοθεσίασ· τῶν δὲ ἰδίᾳ ἑκατέρου καλῶν πρῶτόν ἐστι Νομᾷ μὲν ἡ παράληψισ τῆσ βασιλείασ, Λυκούργῳ δὲ ἡ παράδοσισ. ὁ μὲν γὰρ οὐκ αἰτῶν ἔλαβεν, ὁ δὲ ἔχων ἀπέδωκε.

καὶ τὸν μὲν ἕτεροι κύριον αὑτῶν κατέστησαν ἰδιώτην καὶ ξένον ὄντα, ὁ δὲ αὐτὸσ αὑτὸν ἰδιώτην ἐκ βασιλέωσ ἐποίησε. καλὸν μὲν οὖν τὸ κτήσασθαι δικαιοσύνῃ τὴν βασιλείαν, καλὸν δὲ τὸ προτιμῆσαι τὴν δικαιοσύνην τῆσ βασιλείασ, ἡ γὰρ ἀρετὴ τὸν μὲν οὕτωσ ἔνδοξον κατέστησεν ὥστε βασιλείασ ἀξιωθῆναι, τὸν δὲ οὕτω μέγαν ἐποίησεν ὥστε βασιλείασ καταφρονῆσαι. δεύτερον τοίνυν, ἐπεὶ καθάπερ ἁρμονικοὶ λύρασ, ὁ μὲν ἐκλελυμένην καὶ τρυφῶσαν ἐπέτεινε τὴν Σπάρτην, ὁ δὲ τῆσ Ῥώμησ τὸ σφοδρὸν ἀνῆκε καὶ σύντονον, ἡ μὲν χαλεπότησ τοῦ ἔργου τῷ Λυκούργῳ πρόσεστιν.

οὐ γὰρ θώρακασ ἐκδῦναι καὶ ξίφη τοὺσ πολίτασ καταθέσθαι ἔπειθεν, ἀλλὰ χρυσὸν καὶ ἄργυρον ἀφεῖναι καὶ στρωμνὰσ ἐκβαλεῖν πολυτελεῖσ καὶ τραπέζασ, οὐδὲ παυσαμένουσ πολέμων ἑορτάζειν καὶ θύειν, ἀλλὰ δεῖπνα καὶ πότουσ ἐάσαντασ ἐν τοῖσ ὅπλοισ καὶ ταῖσ παλαίστραισ διαπονεῖσθαι καὶ ἀσκεῖν. ὅθεν ὁ μὲν δι’ εὐνοίασ καὶ τιμῆσ ἅπαντα πείθων ἔπραξεν, ὁ δε κινδυνεύων καὶ βαλλόμενοσ μόγισ ἐπεκράτησεν·

ἥμεροσ μέντοι καὶ φιλάνθρωποσ ἡ τοῦ Νομᾶ μοῦσα πρὸσ εἰρήνην καὶ δικαιοσύνην μεθαρμοσαμένου καὶ καταπραΰναντοσ ἐξ ἀκρατῶν καὶ διαπύρων ἠθῶν τοὺσ πολίτασ. εἰ δὲ καὶ τὸ περὶ τοὺσ Εἵλωτασ ἀναγκάσει τισ ἡμᾶσ εἰσ τὴν Λυκούργου θέσθαι πολιτείαν, ὠμότατον ἔργον καὶ παρανομώτατον, μακρῷ τινι τὸν Νομᾶν ἑλληνικώτερον γεγονέναι νομοθέτην φήσομεν, ὅσ γε καὶ τοὺσ ὡμολογημένουσ δούλουσ ἔγευσε τιμῆσ ἐλευθέρασ, ἐν τοῖσ Κρονίοισ ἑστιᾶσθαι μετὰ τῶν δεσποτῶν ἀναμεμιγμένουσ ἐθίσασ. καὶ γὰρ τοῦτο τῶν Νομᾶ πατρίων ἓν εἶναι λέγουσιν, ἐπὶ τὰσ τῶν ἐτησίων ἀπολαύσεισ καρπῶν τοὺσ συνεργοὺσ παραλαμβάνοντοσ, ἔνιοι δὲ τοῦτο ὑπόμνημα τῆσ Κρονικῆσ ἐκείνησ ἰσονομίασ ἀποσώζεσθαι μυθολογοῦσιν, ὡσ μηδενὸσ δούλου μηδὲ δεσπότου, πάντων δὲ συγγενῶν καὶ ἰσοτίμων νομιζομένων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Comparison of Lycurgus and Numa, chapter 1

(플루타르코스, Comparison of Lycurgus and Numa, chapter 1)

상위

목록

SEARCH

MENU NAVIGATION