헬라어 문장 검색 - Πλυταρ́Ξομπαρι

(플루타르코스, Comparison of Lucullus and Cimon, chapter 2)

ἐν δὲ τοῖσ πολεμικοῖσ ὅτι μὲν ἀμφότεροι καὶ κατὰ γῆν καὶ κατὰ θάλασσαν ἀγαθοὶ γεγόνασιν ἀγωνισταί δῆλον ὥσπερ δὲ τῶν ἀθλητῶν τοὺσ ἡμέρᾳ μιᾷ πάλῃ καὶ παγκρατίῳ στεφανουμένουσ ἔθει τινὶ παραδοξονίκασ καλοῦσιν, οὕτω Κίμων ἐν ἡμέρᾳ μιᾷ πεζομαχίασ καὶ ναυμαχίασ ἅμα τροπαίῳ στεφανώσασ τὴν Ἑλλάδα δίκαιόσ ἐστιν ἔχειν τινὰ προεδρίαν ἐν τοῖσ στρατηγοῖσ. καὶ μὴν Λουκούλλῳ μὲν ἡ πατρίσ, Κίμων δὲ τῇ πατρίδι τὴν ἡγεμονίαν περιέθηκε.

καὶ ὁ μὲν ἀρχούσῃ τῶν συμμάχων προσεκτήσατο τὰ τῶν πολεμίων, ὁ δ’ ἄλλοισ ἑπομένην παραλαβών ἅμα καὶ τῶν συμμάχων ἄρχειν καὶ τῶν πολεμίων κρατεῖν ἐποίησε, Πέρσασ μὲν ἀναγκάσασ ἡττηθέντασ ἐκβῆναι τῆσ θαλάσσησ, Λακεδαιμονίουσ δὲ πείσασ ἑκόντασ ἐκστῆναι. εἰ τοίνυν μέγιστον ἔργον ἡγεμόνοσ εὐπείθειαν ἐργάσασθαι δι’ εὐνοίασ, Λούκουλλοσ μὲν ὑπὸ τῶν στρατιωτῶν κατεφρονήθη, Κίμων δ’ ὑπὸ τῶν συμμάχων ἐθαυμάσθη·

παρ’ οὗ μὲν γὰρ ἀπέστησαν, πρὸσ ὃν δὲ μετέστησαν. καὶ ὁ μὲν ὧν ἄρχων ἐξῆλθεν, ὑπὸ τούτων ἀπολειφθεὶσ ἐπανῆλθεν, ὁ δὲ μεθ’ ὧν ἑτέροισ ποιήσων τὸ προσταττόμενον ἐξεπέμφθη, τούτοισ αὐτὸσ διδοὺσ τὸ παράγγελμα κατέπλευσε, τρία τὰ πάντων δυσκολώτατα διαπεπραγμένοσ ὁμοῦ τῇ πόλει, πρὸσ μὲν τοὺσ πολεμίουσ εἰρήνην, παρὰ δὲ τῶν συμμάχων ἡγεμονίαν, πρὸσ δὲ Λακεδαιμονίουσ ὁμόνοιαν. μεγάλασ τοίνυν ἐπιχειρήσαντεσ ἀμφότεροι καταλύειν ἡγεμονίασ καὶ καταστρέφεσθαι τὴν Ἀσίαν πᾶσαν ἀτελεῖσ ἐγένοντο τῶν πράξεων, ὁ μὲν καθάπαξ διὰ τὴν τύχην ἐτελεύτησε γὰρ στρατηγῶν καὶ εὐημερῶν τὸν δ’ οὐ παντελῶσ ἄν τισ ἐξέλοιτο τῆσ παρ’ αὐτὸν αἰτίασ, εἴτ’ ἠγνόησεν εἴτ’ οὐκ ἐθεράπευσε τὰσ ἐν τῷ στρατιωτικῷ διαφορὰσ καὶ μέμψεισ, ἀφ’ ὧν εἰσ τηλικαύτασ ἀπεχθείασ προῆλθεν.

ἢ τοῦτό γε καὶ πρὸσ Κίμωνα κοινόν ἐστι·

καὶ γὰρ ἐκεῖνον ὑπήγαγόν τε εἰσ δίκασ οἱ πολῖται καὶ τελευτῶντεσ ἐξωστράκισαν, ἵν’ αὐτοῦ δέκα ἐτῶν, ὥσ φησιν ὁ Πλάτων, τῆσ φωνῆσ μὴ ἀκούσωσιν. αἱ γὰρ ἀριστοκρατικαὶ φύσεισ ὀλίγα τοῖσ πολλοῖσ συνᾴδουσι καὶ πρὸσ ἡδονὴν ἔχουσι, τὰ δὲ πολλὰ προσβιαζόμεναι τῷ κατευθύνειν διαστρεφομένουσ ἀνιῶσιν, ὥσπερ οἱ τῶν ἰατρῶν δεσμοί, καίπερ εἰσ τὰ κατὰ φύσιν ἄγοντεσ τὰσ παραρθρήσεισ. ταύτησ μὲν οὖν ἴσωσ ἀπαλλακτέον τῆσ αἰτίασ ἑκάτερον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Comparison of Lucullus and Cimon, chapter 2

(플루타르코스, Comparison of Lucullus and Cimon, chapter 2)

상위

목록

SEARCH

MENU NAVIGATION