헬라어 문장 검색 - Πλυταρ́Ξομπαρι

(플루타르코스, Comparison of Dion and Brutus, chapter 3)

ἐν αὐταῖσ τοίνυν ταῖσ πολεμικαῖσ πράξεσιν ὁ μὲν Δίων ἄμεμπτοσ γέγονε στρατηγόσ, ὡσ μὲν αὐτὸσ ἐβουλεύετο τοῖσ πράγμασιν ἄριστα χρώμενοσ, ἃ δ’ ἐπταίσθη δι’ ἑτέρουσ ἀναλαβὼν καὶ μεταστήσασ ἐπὶ τὸ βέλτιον· ὁ δὲ Βροῦτοσ τὸν ἔσχατον ἀγῶνα ὑπὲρ τῶν ὅλων οὔθ’ ὑποστῆναι δοκεῖ φρονίμωσ οὔτε σφαλεὶσ ἐπανόρθωσιν εὑρεῖν, ἀλλ’ ἀπεῖπε καὶ προεῖτο τὰσ ἐλπίδασ, οὐδ’ ὅσον Πομπήϊοσ ἐπιτολμήσασ τῇ τύχῃ·

καὶ ταῦτα πολλῆσ μὲν αὐτόθι λειπομένησ ἐλπίδοσ ἐν τοῖσ ὅπλοισ, ταῖσ δὲ ναυσὶ κρατῶν πάσησ βεβαίωσ τῆσ θαλάσσησ. ὃ δὲ μέγιστόν ἐστιν ὧν ἐγκαλοῦσι Βρούτῳ, τὸ σωθέντα τῇ Καίσαροσ χάριτι καὶ σώσαντα τῶν συνεαλωκότων ὅσουσ ἐβούλετο καὶ φίλον νομιζόμενον καὶ προτιμηθέντα πολλῶν αὐτόχειρα τοῦ σώσαντοσ γενέσθαι, τοῦτ’ οὐκ ἄν τισ εἴποι κατὰ Δίωνοσ, ἀλλὰ τοὐναντίον, οἰκεῖοσ μὲν ὢν Διονυσίῳ καὶ φίλοσ ὤρθου τὰ πράγματα καὶ συνδιεφύλαττεν, ἐκπεσὼν δὲ τῆσ πατρίδοσ καὶ ἀδικηθεὶσ περὶ τὴν γυναῖκα καὶ τὴν οὐσίαν ἀπολέσασ ἐκ προφανοῦσ εἰσ πόλεμον κατέστη νόμιμον καὶ δίκαιον.

ἢ τοῦτ’ ἀντιστρέφει πρῶτον;

ὃ γὰρ εἰσ ἔπαινον ὑπάρχει τοῖσ ἀνδράσι μέγιστον, ἡ πρὸσ τοὺσ τυράννουσ ἀπέχθεια καὶ μισοπονηρία, τοῦτ’ εἰλικρινέσ ἐστι τῷ Βρούτῳ καὶ καθαρόν, ἰδίᾳ γὰρ οὐδὲν ἐγκαλῶν Καίσαρι τῆσ κοινῆσ προεκινδύνευεν ἐλευθερίασ· ὁ δ’ εἰ μὴ κακῶσ ἔπαθεν αὐτόσ, οὐκ ἂν ἐπολέμησε, καὶ τοῦτο δηλοῦται ταῖσ Πλάτωνοσ ἐπιστολαῖσ, ἐξ ὧν δῆλόσ ἐστιν ὡσ ἀποβληθεὶσ τῆσ τυραννίδοσ, οὐκ ἀποστάσ, κατέλυσε Διονύσιον.

ἔτι Βροῦτον μὲν καὶ Πομπηϊῴ φίλον ἐποίησεν, ἐχθρὸν ὄντα, καὶ πολέμιον Καίσαρι, τὸ κοινῇ συμφέρον, ὡσ ἔχθρασ ὁρ́ῳ καὶ φιλίασ ἑνὶ χρώμενον τῷ δικαίῳ· Δίων δὲ πρὸσ χάριν ὤρθου πολλὰ Διονύσιον, ὅτ’ ἦν βέβαιοσ αὑτῷ, καὶ πρὸσ ὀργὴν ἀπιστηθεὶσ ἐπολέμησε. διὸ τούτῳ μὲν οὐδ’ οἱ φίλοι πάντεσ ἐπίστευσαν, ὡσ μεταστήσασ Διονύσιον οὐκ ἂν βεβαιώσαιτο τὴν ἀρχὴν αὑτῷ, πρᾳοτέρῳ τυραννίδοσ ὀνόματι παραγαγὼν τοὺσ πολίτασ, περὶ δὲ τοῦ Βρούτου τῶν ἐχθρῶν ἦν ἀκούειν ὅτι μόνοσ τῶν ἐπὶ Καίσαρα συναραμένων ἕνα προὔθετο σκοπὸν ἀπ’ ἀρχῆσ ἄχρι τέλουσ τὴν πάτριον ἀποδοῦναι Ῥωμαίοισ πολιτείαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Comparison of Dion and Brutus, chapter 3

(플루타르코스, Comparison of Dion and Brutus, chapter 3)

상위

목록

SEARCH

MENU NAVIGATION