헬라어 문장 검색 - Πλυταρ́Ξομπαρι

(플루타르코스, Comparison of Dion and Brutus, chapter 4)

ἄνευ γε μὴν τούτων ὁ πρὸσ Διονύσιον ἀγὼν οὐχ ὅμοιοσ ἦν δήπου τῷ πρὸσ Καίσαρα. Διονυσίου μὲν γὰρ οὐδεὶσ ὅστισ οὐκ ἂν κατεφρόνησε τῶν συνήθων ἐν μέθαισ καὶ κύβοισ καὶ γυναιξὶ τὰσ πλείστασ ποιουμένου διατριβάσ· τὸ δὲ τὴν Καίσαροσ κατάλυσιν εἰσ νοῦν ἐμβαλέσθαι καὶ μὴ φοβηθῆναι τὴν δεινότητα καὶ δύναμιν καὶ τύχην, οὗ καὶ τοὔνομα τοὺσ Παρθυαίων καὶ Ἰνδῶν βασιλεῖσ οὐκ εἰά καθεύδειν, ὑπερφυοῦσ ἦν ψυχῆσ καὶ πρὸσ μηθὲν ὑφίεσθαι φόβῳ τοῦ φρονήματοσ δυναμένησ. διὸ τῷ μὲν ὀφθέντι μόνον ἐν Σικελίᾳ μυριάδεσ οὐκ ὀλίγαι συνέστησαν ἐπὶ Διονύσιον·

ἡ δὲ Καίσαροσ δόξα καὶ πεσόντοσ ὤρθου τοὺσ φίλουσ, καὶ τοὔνομα τὸν χρησάμενον ἦρεν ἐκ παιδὸσ ἀμηχάνου πρῶτον εὐθὺσ εἶναι Ῥωμαίων, ὡσ ἀλεξιφάρμακον τοῦτο πρὸσ τὴν Ἀντωνίου περιαψάμενον ἔχθραν καὶ δύναμιν. εἰ δὲ φήσει τισ ὅτι μεγάλοισ μὲν ἀγῶσιν ὁ Δίων ἐξέβαλε τὸν τύραννον, Καίσαρα δὲ Βροῦτοσ ἔκτεινε γυμνὸν καὶ ἀφύλακτον, αὐτὸ τοῦτο δεινότητοσ ἄκρασ καὶ στρατηγίασ ἦν ἔργον, ἄνδρα τοσαύτην περιβεβλημένον δύναμιν ἀφύλακτον λαβεῖν καὶ γυμνόν.

οὐ γὰρ ἐξαίφνησ οὐδὲ μόνοσ ἢ σὺν ὀλίγοισ ἐπιπεσὼν ἀνεῖλεν, ἀλλ’ ἐκ πολλοῦ συνθεὶσ τὸ βούλευμα καὶ μετὰ πολλῶν ἐπιθέμενοσ, ὧν οὐδεὶσ ἐψεύσατ’ αὐτόν, ἢ γὰρ εὐθὺσ ἔκρινε τοὺσ ἀρίστουσ ἢ τῷ προκρῖναι τοὺσ πιστευθέντασ ἀγαθοὺσ ἐποίησε. Δίων δὲ εἴτε κρίνασ κακῶσ ἐπίστευσεν ἑαυτὸν πονηροῖσ εἴτε χρώμενοσ ἐποίησεν ἐκ χρηστῶν πονηρούσ, οὐδέτερον παθεῖν ἀνδρὶ φρονίμῳ προσῆκεν.

ἐπιτιμᾷ δὲ καὶ Πλάτων αὐτῷ τοιούτουσ ἑλομένῳ φίλουσ, ὑφ’ ὧν ἀπώλετο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Comparison of Dion and Brutus, chapter 4

(플루타르코스, Comparison of Dion and Brutus, chapter 4)

상위

목록

SEARCH

MENU NAVIGATION