헬라어 문장 검색 - Πλυταρ́Ξομπαρι

(플루타르코스, Comparison of Demosthenes with Cicero, chapter 3)

ἡ μὲν οὖν ἐν τῷ δημηγορεῖν καὶ πολιτεύεσθαι δύναμισ ὁμαλῶσ ἀμφοτέροισ ὑπῆρξεν, ὥστε καὶ τοὺσ τῶν ὅπλων καὶ στρατοπέδων κυρίουσ δεῖσθαι, Δημοσθένουσ μὲν Χάρητα καὶ Διοπείθην καὶ Λεωσθένην, Κικέρωνοσ δὲ Πομπήϊον καὶ Καίσαρα τὸν νέον, ὡσ αὐτὸσ ὁ Καῖσαρ ἐν τοῖσ πρὸσ Ἀγρίππαν καὶ Μαικήναν ὑπομνήμασιν εἴρηκεν. ὃ δὲ δοκεῖ μάλιστα καὶ λέγεται τρόπον ἀνδρὸσ ἐπιδεικνύναι καὶ βασανίζειν, ἐξουσία καὶ ἀρχὴ πᾶν πάθοσ κινοῦσα καὶ πᾶσαν ἀποκαλύπτουσα κακίαν, Δημοσθένει μὲν οὐχ ὑπῆρξεν, οὐδ’ ἔδωκε τοιαύτην διάπειραν ἑαυτοῦ, μηδεμίαν ἀρχὴν τῶν ἐπιφανῶν ἄρξασ, ὃσ οὐδὲ τῆσ ὑφ’ αὑτοῦ συντεταγμένησ ἐπὶ Φίλιππον ἐστρατήγησε δυνάμεωσ·

Κικέρων δὲ ταμίασ εἰσ Σικελίαν καὶ ἀνθύπατοσ εἰσ Κιλικίαν καὶ Καππαδοκίαν ἀποσταλείσ, ἐν ᾧ καιρῷ τῆσ φιλοπλουτίασ ἀκμαζούσησ, καὶ τῶν πεμπομένων στρατηγῶν καὶ ἡγεμόνων, ὡσ τοὺ κλέπτειν ἀγεννοῦσ ὄντοσ, ἐπὶ τὸ ἁρπάζειν τρεπομένων, οὐ τὸ λαμβάνειν ἐδόκει δεινόν, ἀλλ’ ὁ μετρίωσ τοῦτο ποιῶν ἠγαπᾶτο, πολλὴν μὲν ἐπίδειξιν ὑπεροψίασ χρημάτων ἐποιήσατο, πολλὴν δὲ φιλανθρωπίασ καὶ χρηστότητοσ.

ἐν αὐτῇ δὲ τῇ Ῥώμῃ λόγῳ μὲν ἀποδειχθεὶσ ὕπατοσ, ἐξουσίαν δὲ λαβὼν αὐτοκράτοροσ καὶ δικτάτοροσ ἐπὶ τοὺσ περὶ Κατιλίναν, ἐμαρτύρησεν ἅμα τῷ Πλάτωνι μαντευομένῳ παῦλαν ἕξειν κακῶν τὰσ πόλεισ, ὅταν εἰσ ταὐτὸ δύναμίσ τε μεγάλη καὶ φρόνησισ ἔκ τινοσ τύχησ χρηστῆσ ἀπαντήσῃ μετὰ δικαιοσύνησ.

χρηματίσασθαι τοίνυν ἀπὸ τοῦ λόγου Δημοσθένησ μὲν ἐπιψόγωσ λέγεται, λογογραφῶν κρύφα τοῖσ περὶ Φορμίωνα καὶ Ἀπολλόδωρον ἀντιδίκοισ, καὶ διαβληθεὶσ μὲν ἐπὶ τοῖσ βασιλικοῖσ χρήμασιν, ὀφλὼν δὲ τῶν Ἁρπαλείων.

εἰ δὲ ταῦτα τοὺσ γράφοντασ οὐκ ὀλίγοι δ’ εἰσὶν οὗτοι ψεύδεσθαι φαίημεν, ἀλλ’ ὅτι γε πρὸσ δωρεὰσ βασιλέων σὺν χάριτι καὶ τιμῇ διδομένασ ἀντιβλέψαι Δημοσθένησ οὐκ ἂν ἐτόλμησεν, οὐδ’ ἦν τοῦτο ἔργον ἀνθρώπου δανείζοντοσ ἐπὶ ναυτικοῖσ, ἀμήχανον ἀντειπεῖν· περὶ δὲ Κικέρωνοσ, ὅτι καὶ Σικελιωτῶν ἀγορανομοῦντι καὶ βασιλέωσ τοῦ Καππαδοκῶν ἀνθυπατεύοντι καὶ τῶν ἐν Ῥώμῃ φίλων, ὅτ’ ἐξέπιπτε τῆσ πόλεωσ, δωρουμένων πολλὰ καὶ δεομένων λαβεῖν ἀντέσχεν, εἴρηται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Comparison of Demosthenes with Cicero, chapter 3

(플루타르코스, Comparison of Demosthenes with Cicero, chapter 3)

상위

목록

SEARCH

MENU NAVIGATION