Plutarch, Comparison of Timoleon and Aemilius, chapter 2 4:

ἐκεῖνο μέντοι τοῦ Αἰμιλίου θαυμαστόν, ὅτι τηλικαύτην βασιλείαν καταστρεψάμενοσ οὐδὲ δραχμῇ μείζονα τὴν οὐσίαν ἐποίησεν, οὐδὲ εἶδεν οὐδὲ ἥψατο τῶν χρημάτων, καίτοι πολλὰ δοὺσ ἑτέροισ καὶ δωρησάμενοσ. οὐ λέγω δὲ ὅτι Τιμολέων μεμπτόσ ἐστιν οἰκίαν τε καλὴν λαβὼν καὶ χωρίον· οὐ γὰρ τὸ λαβεῖν ἐκ τοιούτων αἰσχρόν, ἀλλὰ τὸ μὴ λαβεῖν κρεῖττον καὶ περιουσία τῆσ ἀρετῆσ, ἐν οἷσ ἔξεστιν ἐπιδεικνυμένησ τὸ μὴ δεόμενον·