헬라어 문장 검색 - Πλυταρ́Ξομπαρι

(플루타르코스, Comparison of Philopoemen and Titus, chapter 2)

ἀλλὰ πλήθει γε πολέμων καὶ τροπαίων ἡ Φιλοποίμενοσ ἐμπειρία βεβαιοτέρα, τῷ μὲν γὰρ τὰ πρὸσ Φίλιππον ἐκρίθη δυοῖν ἀγώνοιν, ὁ δὲ μυρίασ μάχασ κατορθώσασ οὐδεμίαν ἀμφισβήτησιν τῇ τύχῃ πρὸσ τὴν ἐπιστήμην ἀπολέλοιπεν. ἔτι δὲ ὁ μὲν τῇ Ῥωμαίων ἀκμὴν ἐχούσῃ δυνάμει χρησάμενοσ, ὁ δὲ τῆσ Ἑλλάδοσ ἤδη φθινούσησ ἐπακμάσασ, δόξαν ἔσχεν, ὥστε τοῦ μὲν ἴδιον, τοῦ δὲ κοινὸν ἔργον εἶναι τὸ κατορθούμενον ὁ μὲν γὰρ ἦρχεν ἀγαθῶν, ὁ δὲ ἄρχων ἀγαθοὺσ ἐποίει. καὶ μὴν τό γε πρὸσ Ἕλληνασ τούτῳ γενέσθαι τοὺσ ἀγῶνασ οὐκ εὐτυχῆ μέν, ἰσχυρὰν δὲ τῆσ ἀρετῆσ ἀπόδειξιν παρεῖχεν οἷσ γὰρ ὅμοια τἆλλα, τῷ προὔχειν ἀρετῇ κρατοῦσι.

καὶ γὰρ δὴ πολεμικωτάτοισ Ἑλλήνων Κρησὶ καὶ Λακεδαιμονίοισ πολεμήσασ, τῶν μὲν πανουργοτάτων δόλῳ, τῶν δ’ ἀλκιμωτάτων τόλμῃ περιεγένετο. πρὸσ δὲ τούτοισ Τίτοσ μὲν ἐξ ὑποκειμένων ἐνίκα, χρώμενοσ ὁπλισμοῖσ καὶ τάξεσιν αἷσ παρέλαβε.

Φιλοποίμην δὲ αὐτὸσ ἐπεισενεγκὼν καὶ μεταβαλὼν τὸν περὶ ταῦτα κόσμον, ὥστε τὸ νικητικώτατον ὑφ’ οὗ μὲν οὐκ ὂν εὑρῆσθαι, τῷ δὲ ὑπάρχον βοηθεῖν. κατὰ χεῖρα τοίνυν Φιλοποίμενοσ μὲν ἔργα πολλὰ καὶ μεγάλα, θατέρου δὲ οὐδέν, ἀλλὰ καὶ τῶν Αἰτωλῶν τισ αὐτὸν Ἀρχέδημοσ ἐπέσκωπτεν ὡσ, ὅτε αὐτὸσ ἐσπασμένοσ τὴν μάχαιραν ἔθει δρόμῳ πρὸσ τοὺσ μαχομένουσ καὶ τοὺσ συνεστῶτασ τῶν Μακεδόνων, τοῦ Τίτου τὰσ χεῖρασ εἰσ τὸν οὐρανὸν ὑπτίασ ἀνατείναντοσ ἑστῶτοσ καὶ προσευχομένου.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Comparison of Philopoemen and Titus, chapter 2

(플루타르코스, Comparison of Philopoemen and Titus, chapter 2)

상위

목록

SEARCH

MENU NAVIGATION