헬라어 문장 검색 - Πλυταρ́Ξομπαρι

(플루타르코스, Comparison of Philopoemen and Titus, chapter 1)

μεγέθει μὲν οὖν τῶν εἰσ τοὺσ Ἕλληνασ εὐεργεσιῶν οὔτε Φιλοποίμενα Τίτῳ παραβάλλειν οὔτε πάνυ πολλοὺσ τῶν Φιλοποίμενοσ ἀμεινόνων ἀνδρῶν ἄξιόν ἐστι. τοῖσ μὲν γὰρ Ἕλλησι πρὸσ Ἕλληνασ οἱ πόλεμοι, τῷ δὲ οὐχ Ἕλληνι καὶ ὑπὲρ Ἑλλήνων· καὶ ὅτε Φιλοποίμην ἀμηχανῶν τοῖσ ἑαυτοῦ πολίταισ ἀμύνειν πολεμουμένοισ εἰσ Κρήτην ἀπῆρε, τότε νικήσασ Τίτοσ ἐν μέσῃ τῇ Ἑλλάδι Φίλιππον ἠλευθέρου καὶ τὰ ἔθνη καὶ πόλεισ ἁπάσασ, εἰ δέ τισ ἐξετάζοι τὰσ μάχασ ἑκατέρου, πλείουσ Ἕλληνασ Φιλοποίμην Ἀχαιῶν στρατηγῶν ἢ Μακεδόνασ Τίτοσ Ἕλλησι βοηθῶν ἀνεῖλε. τὰ τοίνυν ἁμαρτήματα τοῦ μὲν φιλοτιμίασ, τοῦ δὲ φιλονεικίασ γέγονε, καὶ πρὸσ ὀργὴν ὁ μὲν εὐκίνητοσ, ὁ δὲ καὶ δυσπαραίτητοσ.

Τίτοσ μὲν γὰρ καὶ Φιλίππῳ τὸ ἀξίωμα τῆσ βασιλείασ ἐφύλαξε καὶ πρὸσ Αἰτωλοὺσ εὐγνωμόνησε, Φιλοποίμην δὲ τῆσ πατρίδοσ δι’ ὀργὴν ἀφείλετο τὴν περιοικίδα συντέλειαν. ἔτι δὲ ὁ μὲν τοῖσ εὖ παθοῦσιν ἀεὶ βέβαιοσ, ὁ δὲ θυμῷ λῦσαι χάριν ἕτοιμοσ.

Λακεδαιμονίων γὰρ εὐεργέτησ πρότερον ὢν ὕστερον καὶ τὰ τείχη κατέσκαψε καὶ τὴν χώραν περιέκοψε καὶ τέλοσ αὐτὴν μετέβαλε καὶ διέφθειρε τὴν πολιτείαν. ἐδόκει δὲ καὶ τὸν βίον ὀργῇ προέσθαι καὶ φιλονεικίᾳ, μὴ κατὰ καιρὸν, ἀλλ’ ὀξύτερον τοῦ δέοντοσ εἰσ Μεσσήνην ἐπειχθείσ, οὐχ ὥσπερ Τίτοσ πάντα λογισμῷ καὶ πρὸσ ἀσφάλειαν στρατηγήσασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Comparison of Philopoemen and Titus, chapter 1

(플루타르코스, Comparison of Philopoemen and Titus, chapter 1)

상위

목록

SEARCH

MENU NAVIGATION