Plutarch, Comparison of Philopoemen and Titus, chapter 1 3:

ἔτι δὲ ὁ μὲν τοῖσ εὖ παθοῦσιν ἀεὶ βέβαιοσ, ὁ δὲ θυμῷ λῦσαι χάριν ἕτοιμοσ. Λακεδαιμονίων γὰρ εὐεργέτησ πρότερον ὢν ὕστερον καὶ τὰ τείχη κατέσκαψε καὶ τὴν χώραν περιέκοψε καὶ τέλοσ αὐτὴν μετέβαλε καὶ διέφθειρε τὴν πολιτείαν. ἐδόκει δὲ καὶ τὸν βίον ὀργῇ προέσθαι καὶ φιλονεικίᾳ, μὴ κατὰ καιρὸν, ἀλλ’ ὀξύτερον τοῦ δέοντοσ εἰσ Μεσσήνην ἐπειχθείσ, οὐχ ὥσπερ Τίτοσ πάντα λογισμῷ καὶ πρὸσ ἀσφάλειαν στρατηγήσασ.