헬라어 문장 검색 - Πλυταρ́Ξομπαρι

(플루타르코스, Comparison of Agis and Cleomenes and the Gracchi, chapter 5)

τῶν τοίνυν ἐγκλημάτων τῶν κατὰ Τιβερίου μέγιστόν ἐστιν ὅτι τὸν συνάρχοντα τῆσ δημαρχίασ ἐξέβαλε Καὶ δευτέραν αὐτὸσ δημαρχίαν μετῄει· Γαϊῴ δὲ τὸν Ἀντυλλίου φόνον οὐ δικαίωσ οὐδὲ ἀληθῶσ προσετρίβοντο διεφθάρη γὰρ ἄκοντοσ αὑτοῦ Καὶ ἀγανακτοῦντοσ. Κλεομένησ δέ, ἵνα τὰσ σφαγὰσ τῶν ἐφόρων ἐάσωμεν, ἠλευθέρωσε μὲν ἅπαντασ τοὺσ οἰκέτασ, ἐβασίλευσε δὲ τῷ μὲν ἔργῳ μόνοσ, τῶ δὲ ὀνόματι δεύτεροσ, Εὐκλείδαν τὸν αοελφὸν ̣ ἐκ μιᾶσ οἰκίασ αὑτῷ προσελόμενοσ, Ἀρχίδαμον δέ, ᾧ προσῆκον ἦν ἀπὸ τῆσ ἑτέρασ οἰκίασ ὄντι συμβασιλεύειν, ἔπεισε μὲν ἐκ Μεσσήνησ κατελθεῖν, ἀποθανόντοσ δὲ τὸν φόνον οὐκ ἐπεξελθών ἐβεβαίωσε τὴν αἰτίαν καθ’ αὑτοῦ τῆσ ἀναιρέσεωσ, καίτοι Λυκοῦργοσ, ὃν προσεποιεῖτο μιμεῖσθαι, τὴν μὲν βασιλείαν ἑκὼν ἀπέδωκε τῷ παιδὶ τοῦ ἀδελφοῦ Χαρίλλῳ, φοβούμενοσ δὲ μή, κἂν ἄλλωσ ἀποθάνῃ τὸ μειράκιον, αἰτία τισ ἐπ’ αὐτὸν ἔλθῃ, πολὺν χρόνον ἔξω πλανηθεὶσ οὐ πρότερον ἐπανῆλθεν ἢ παῖδα τῷ Χαρίλλῳ γενέσθαι διάδοχον τῆσ ἀρχῆσ, ἀλλὰ Λυκούργῳ μὲν οὐδὲ ἄλλοσ τισ Ἑλλήνων παραβλητὸσ οὐδείσ·

ὅτι δὲ τοῖσ Κλεομένουσ πολιτεύμασι καινοτομίαι Καὶ παρανομίαι μείζονεσ ἔνεισι, δεδήλωται.

καὶ μὴν οἵ γε τὸν τρόπον αὑτῶν ψέγοντεσ τούτοισ μὲν ἐξ ἀρχῆσ τυραννικὸν Καὶ πολεμοποιὸν αἰτιῶνται γενέσθαι, τῇ δὲ ἐκείνων φύσει φιλοτιμίασ ἀμετρίαν, ἄλλο δὲ οὐδέν οἱ φθονοῦντεσ ἐπικαλεῖν εἶχον ἐκριπισθέντασ δὲ τῷ πρὸσ τοὺσ ἐνισταμένουσ ἀγῶνι Καὶ θυμῷ παρὰ τὴν αὑτῶν φύσιν ὥσπερ πνοαῖσ, ἐφεῖναι περὶ τὰ ἔσχατα τὴν πολιτείαν ὡμολόγουν.

ἐπεὶ τῆσ γε πρώτησ ὑποθέσεωσ τί κάλλιον ἢ δικαιότερον ἦν, εἰ μὴ κατὰ βίαν Καὶ δυναστείαν ἐπιχειρήσαντεσ ἐξῶσαι τὸν νόμον οἱ πλούσιοι περιέστησαν ἀμφοτέροισ ἀγῶνασ, τῷ μὲν φοβουμένῳ ὑπὲρ αὑτοῦ, τῷ δὲ ἐκδικοῦντι τὸν ἀδελφόν ἄνευ δίκησ Καὶ δόγματοσ οὐδὲ ὑπ’ ἄρχοντοσ ἀναιρεθέντα;

Συνορᾷσ μὲν οὖν Καὶ αὐτὸσ ἐκ τῶν εἰρημένων τὴν διαφοράν εἰ δὲ δεῖ Καὶ καθ’ ἕκαστον ἀποφήνασθαι, Τιβέριον μὲν ἀρετῇ πεπρωτευκέναι τίθημι πάντων, ἐλάχιστα δὲ ἡμαρτηκέναι τὸ μειράκιον Ἆγιν, πράξει δὲ Καὶ τόλμῃ Γάϊον οὐκ ὀλίγῳ Κλεομένουσ ὕστερον γεγονέναι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Comparison of Agis and Cleomenes and the Gracchi, chapter 5

(플루타르코스, Comparison of Agis and Cleomenes and the Gracchi, chapter 5)

상위

목록

SEARCH

MENU NAVIGATION