헬라어 문장 검색 - Πλυταρ́Ξομπαρι

(플루타르코스, Comparison of Agis and Cleomenes and the Gracchi, chapter 2)

ἥ γε μὴν ἐπιβουλὴ καὶ τόλμα τῶν καινοτομουμένων πολὺ τῷ μεγέθει παρήλλαττεν. ἐπολιτεύοντο γὰρ ὁ μὲν ὁδῶν κατασκευὰσ καὶ πόλεων κτίσεισ, καὶ τὸ πάντων νεανικώτατον ἦν Τιβερίῳ μὲν ἀνασῶσαι δημοσίουσ ἀγρούσ, Γαϊῴ δὲ μῖξαι τὰ δικαστήρια προσεμβαλόντι τῶν ἱππικῶν τριακοσίουσ · τὸ μικρὰ καὶ κατὰ μέροσ τῶν ἡμαρτημένων ἰᾶσθαι καὶ ἀποκόπτειν ὕδραν τινὰ τέμνοντοσ, ὥσ φησιν ὁ Πλάτων, ἡγησάμενοσ εἶναι, τὴν ἅμα πάντα ἀπαλλάξαι κακὰ καὶ μετασκευάσαι δυναμένην μεταβολὴν ἐπῆγε τοῖσ πράγμασιν.

ἀληθέστερον δ’ ἴσωσ εἰπεῖν ἐστιν ὅτι τὴν πάντα ἀπεργασαμένην κακὰ μεταβολὴν ἐξήλαυνεν, ἀπάγων καὶ καθιστὰσ εἰσ τὸ οἰκεῖον σχῆμα τὴν πόλιν.

ἐπεὶ καὶ τοῦτο ἄν τισ εἴποι, τῇ μὲν Γράγχων πολιτείᾳ τοὺσ μεγίστουσ ἐνίστασθαι Ῥωμαίων, οἷσ δὲ Ἆγισ ἐνεχείρησε, Κλεομένησ δὲ τὸ ἔργον ἐπέθηκε, τῶν παραδειγμάτων τὸ κάλλιστον ὑπέκειτο καὶ μεγαλοπρεπέστατον, αἱ πάτριοι ῥῆτραι περὶ σωφροσύνησ καὶ ἰσότητοσ, ὧν τούτοισ μὲν ὁ Λυκοῦργοσ, ἐκείνῳ δὲ ὁ Πύθιοσ βεβαιωτήσ. ὃ δὲ μέγιστον, ὅτι τοῖσ μὲν ἐκείνων πολιτεύμασιν εἰσ οὐδὲν ἡ Ῥώμη μεῖζον ἐπέδωκε τῶν ὑπαρχόντων, ἐκ δὲ ὧν ὁ Κλεομένησ ἔπραξεν, ὀλίγου χρόνου τὴν Σπάρτην τῆσ Πελοποννήσου κρατοῦσαν ἡ Ἑλλὰσ ἐπεῖδε καὶ τοῖσ τότε μέγιστον δυναμένοισ διαγωνιζομένην ἀγῶνα τὸν περὶ τῆσ ἡγεμονίασ, οὗ τέλοσ ἦν ἀπαλλαγεῖσαν Ἰλλυρικῶν ὅπλων καὶ Γαλατικῶν τὴν Ἑλλάδα κοσμεῖσθαι πάλιν ὑφ’ Ἡρακλείδαισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Comparison of Agis and Cleomenes and the Gracchi, chapter 2

(플루타르코스, Comparison of Agis and Cleomenes and the Gracchi, chapter 2)

상위

목록

SEARCH

MENU NAVIGATION