Plutarch, Comparison of Agis and Cleomenes and the Gracchi, chapter 2 4:

ὃ δὲ μέγιστον, ὅτι τοῖσ μὲν ἐκείνων πολιτεύμασιν εἰσ οὐδὲν ἡ Ῥώμη μεῖζον ἐπέδωκε τῶν ὑπαρχόντων, ἐκ δὲ ὧν ὁ Κλεομένησ ἔπραξεν, ὀλίγου χρόνου τὴν Σπάρτην τῆσ Πελοποννήσου κρατοῦσαν ἡ Ἑλλὰσ ἐπεῖδε καὶ τοῖσ τότε μέγιστον δυναμένοισ διαγωνιζομένην ἀγῶνα τὸν περὶ τῆσ ἡγεμονίασ, οὗ τέλοσ ἦν ἀπαλλαγεῖσαν Ἰλλυρικῶν ὅπλων καὶ Γαλατικῶν τὴν Ἑλλάδα κοσμεῖσθαι πάλιν ὑφ’ Ἡρακλείδαισ.