Plutarch, An seni respublica gerenda sit, chapter, section 24

(플루타르코스, An seni respublica gerenda sit, chapter, section 24)

καθόλου δ’ ὥσπερ ἐν Ῥώμῃ ταῖσ Ἑστιάσι παρθένοισ τοῦ χρόνου διώρισται τὸ μὲν μανθάνειν τὸ δὲ δρᾶν τὰ νενομισμένα τὸ δὲ τρίτον ἤδη διδάσκειν, καὶ τῶν ἐν Ἐφέσῳ περὶ τὴν Ἄρτεμιν ὁμοίωσ ἑκάστην Μελλιέρην τὸ πρῶτον εἶθ’ Ιἕρην τὸ δὲ τρίτον Παριέρην καλοῦσιν· οὕτωσ ὁ τελέωσ πολιτικὸσ ἀνὴρ τὰ μὲν πρῶτα μανθάνων ἔτι πολιτεύεται καὶ μυούμενοσ τὰ δ’ ἔσχατα διδάσκων καὶ μυσταγωγῶν ·

παρασκευάζων τῇ πατρίδι μύθων τε ῥητῆρ’ ἔμεναι πρηκτῆρά τε ἔργων ἐν οὐ μικρῷ μέρει πολιτείασ οὐδὲ φαύλῳ χρήσιμόσ ἐστιν, ἀλλ’ εἰσ ὃ μάλιστα καὶ πρῶτον ὁ Λυκοῦργοσ ἐντείνασ ἑαυτὸν εἴθισε·

τοὺσ νέουσ παντὶ πρεσβύτῃ καθάπερ νομοθέτῃ πειθομένουσ διατελεῖν·

ἐπεὶ πρὸσ τί βλέψασ ὁ Λύσανδροσ·

εἶπεν, ὡσ ἐν Λακεδαίμονι κάλλιστα γηρῶσιν; ἆρ’ ὅτι γ’ ἀργεῖν ἔξεστι μάλιστα τοῖσ πρεσβυτέροισ ἐκεῖ καὶ δανείζειν ἢ κυβεύειν συγκαθεζομένουσ ἢ πίνειν ἐν ὡρ́ᾳ συνάγοντασ; οὐκ ἂν εἴποισ·

ἀλλ’ ὅτι τρόπον τινὰ πάντεσ οἱ τηλικοῦτοι τάξιν ἀρχόντων ἤ τινων πατρονόμων ἢ παιδαγωγῶν ἔχοντεσ; ἀλλὰ καὶ τῶν νέων ἕκαστ’ ἀεὶ περί τε τὰ γυμνάσια καὶ παιδιὰσ καὶ διαίτασ καταμανθάνουσιν οὐ παρέργωσ, φοβεροὶ μὲν ὄντεσ τοῖσ ἁμαρτάνουσιν αἰδεστοὶ δὲ τοῖσ ἀγαθοῖσ καὶ ποθεινοί·

θεραπεύουσι γὰρ ἀεὶ καὶ διώκουσιν αὐτοὺσ οἱ νέοι, τὸ κόσμιον καὶ τὸ γενναῖον αὔξοντασ;

καὶ συνεπιγαυροῦντασ ἄνευ φθόνου.

일치하는 문장이 없습니다.

SEARCH

MENU NAVIGATION