헬라어 문장 검색 - Πλυταρ́Αματορι

(플루타르코스, Amatoriae narrationes, chapter 5)

Ἄλκιπποσ τὸ μὲν γένοσ Λακεδαιμόνιοσ ἦν· γήμασ δὲ Δαμοκρίταν πατὴρ θυγατέρων γίνεται δύο·

συμβουλεύων τε τῇ πόλει κράτιστα τε καὶ πράττων ὅτου δέοιντο Λακεδαιμόνιοι, ἐφθονήθη ὑπὸ τῶν ἀντιπολιτευομένων, οἳ τοὺσ ἐφόρουσ ψευδέσι λόγοισ παραγαγόντεσ, ὡσ τοῦ Ἀλκίππου βουλομένου τοὺσ νόμουσ καταλῦσαι, φυγῇ περιέβαλον τὸν ἄνδρα. καὶ ὁ μὲν ὑπεξῆλθε τῆσ Σπάρτησ, Δαμοκρίταν δὲ τὴν γυναῖκα μετὰ τῶν θυγατέρων βουλομένην ἕπεσθαι τἀνδρὶ ἐκώλυον, ἀλλὰ καὶ τὴν οὐσίαν αὐτοῦ ἐδήμευσαν, ἵνα μὴ εὐπορῶσι προικὸσ αἱ παρθένοι.

ἐπεὶ δὲ καὶ ὣσ ἐμνηστεύοντό τινεσ τὰσ παῖδασ διὰ τὴν τοῦ πατρὸσ ἀρετήν, ἐκώλυσαν οἱ ἐχθροὶ διὰ ψηφίσματοσ μνηστεύεσθαί τινασ τὰσ κόρασ, λέγοντεσ ὡσ ἡ μήτηρ αὐτῶν Δαμοκρίτα πολλάκισ εὔξατο τὰσ θυγατέρασ ταχέωσ γεννῆσαι παῖδασ τιμωροὺσ τῷ πατρὶ γενησομένουσ.

πανταχόθεν δ’ ἡ Δαμοκρίτα περιελαυνομένη ἐτήρησέ τινα πάνδημον ἑορτήν, ἐν ᾗ γυναῖκεσ;

τὸ ἱερὸν καιρὸν παραφυλάξασα, ἐν ᾧ πᾶσαι τὸ μυστήριον ἐπετέλουν ἐν τῷ ἀνδρῶνι καὶ κεκλεισμένων τῶν εἰσόδων, ξύλα ταῖσ θύραισ πολλὰ προσνήσασα ταῦτα δ’ ἦν εἰσ τὴν τῆσ ἑορτῆσ θυσίαν ὑπ’ ἐκείνων παρεσκευασμένα, πῦρ ἐνῆκε.

συνθεόντων δὲ τῶν ἀνδρῶν ἐπὶ τὴν βοήθειαν, ἡ Δαμοκρίτα τὰσ θυγατέρασ ἀπέσφαξε καὶ ἐπ’ ἐκείναισ ἑαυτήν.

οὐκ ἔχοντεσ δ’ οἱ Λακεδαιμόνιοι, ὅπη τὸν θυμὸν ἀπερείσωνται, ἐκτὸσ ὁρ́ων ἔρριψαν τῆσ τε Δαμοκρίτασ καὶ τῶν θυγατέρων τὰ σώματα. ἐφ’ ᾧ μηνίσαντοσ τοῦ θεοῦ τὸν μέγαν ἱστοροῦσι Λακεδαιμονίοισ σεισμὸν ἐπιγενέσθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Amatoriae narrationes, chapter 5

(플루타르코스, Amatoriae narrationes, chapter 5)

상위

목록

SEARCH

MENU NAVIGATION